ଇମୋସନାଲ ମ୍ୟୁଜିକ ଭିଡିଓ ନେଇ ଫେରିବେ ଦିବ୍ୟା

ଦୁଇଟି ମ୍ୟୁଜିକ ଭିଡିଓ ଜରିଆରେ ଦର୍ଶକଙ୍କ ମନ କିଣିଥିବା ଦିବ୍ୟା ଏବେ ପ୍ରସ୍ତୁତ ଅଛନ୍ତି ନିଜର ତୃତୀୟ ମ୍ୟୁଜିକ ଭିଡିଓ ‘ବେସରମ ବେୱାଫା’ ନେଇ ଆସିବାକୁ । ଆସନ୍ତା 30 ତାରିଖରେ ରିଲିଜ ହେବ ଗୀତ ।

ମୁମ୍ବାଇ: ସୁନ୍ଦରୀ ଅଭିନେତ୍ରୀ ତଥା ଟି-ସିରିଜ ମାଲିକ ଭୂଷଣ କୁମାରଙ୍କ ପତ୍ନୀ ଦିବ୍ୟା ଖୋସଲା ଗତ ବର୍ଷ ‘ୟାଦ ପିୟା କି ଆନେ ଲଗି’ ମ୍ୟୁଜିକ ଭିଡିଓ ଆଣି ଛାଇଯାଇଥିଲେ । ଏବର୍ଷ ସେ ପୁଣି ବଲିଉଡ ମୁହାଁ ହୋଇଛନ୍ତି । କାରଣ ସେ ଖୁବଶୀଘ୍ର ହ୍ୟାଣ୍ଡସମ ଆକ୍ଟର ଜନ ଆବ୍ରାହମଙ୍କ ସହ ‘ସତ୍ୟାମେବ ଜୟତେ’ରେ ନଜର ଆସିବେ ।

ଏହାବ୍ୟତୀତ ନିକଟରେ ରିଲିଜ ହୋଇଥିବା ତାଙ୍କ ଦ୍ବିତୀୟ ମ୍ୟୁଜିକ ଭିଡିଓ ‘ତେରି ଆଖୋଁ ମେଁ’ ୟୁଟ୍ୟୁବରେ ଚହଳ ସୃଷ୍ଟି କରିଛି । ଏଯାବତ ଗୀତକୁ 125 ମିଲିୟନ ଭ୍ୟୁ ମିଳିସାରିଲାଣି । ଯାହାକୁ ନେଇ ଦିବ୍ୟାଙ୍କ ଖୁସି ନକହିଲେ ସରେ ।

ଖାଲି ଏତିକି ନୁହେଁ ଆଉ କିଛି ଦିନ ପରେ ତାଙ୍କର ରିଲିଜ ହେବାକୁ ଯାଉଛି ତୃତୀୟ ମ୍ୟୁଜିକ ଭିଡିଓ ‘ବେସରମ ବେୱାଫା’ । ଏହି ଇମୋସନାଲ ଗୀତ ଜରିଆରେ ପ୍ରଶଂସକ ମନ କିଣିବେ ସେ । ଆଉ 'ପଛତାଓଗେ' ଭଳି ବ୍ଲକବଷ୍ଟର ଗୀତ ଦେଇଥିବା ଜାନି ଓ ବି ପ୍ରାକଙ୍କ ଯାଦୁ ଏଥିରେ ଦେଖିବାକୁ ମିଳିବ । ଆସନ୍ତା 30 ତାରିଖରେ ରିଲିଜ ହେବ ଏହି ଟ୍ରାକ । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।