ମୁମ୍ବାଇ: ସୋମବାର ଦ୍ବିତୀୟଥର ବିବାହ ବନ୍ଧନରେ ଆବଦ୍ଧ ହୋଇଛନ୍ତି ସୁନ୍ଦରୀ ଅଭିନେତ୍ରୀ ଦିୟା ମିର୍ଜା । ଏହି ଖବର ଶୁଣି ତାଙ୍କ ପ୍ରଶଂସକମାନେ ବହୁତ ଖୁସି ଅଛନ୍ତି । ଦିୟା ମୁମ୍ବାଇର ବିଜନେସମ୍ୟାନ ବୈଭବ ରେଖୀଙ୍କ ପତ୍ନୀ ସାଜିଛନ୍ତି । ହିନ୍ଦୁ ବିଧି-ବିଧାନରେ ବିବାହ କରିଛନ୍ତି ଏହି ଯୋଡି । ଆଉ ବିବାହରେ ଏକ ନୂଆ କାମ କରିଛନ୍ତି ଦିୟା, ଯାହା ପାଇଁ ତାଙ୍କର ପ୍ରଶଂସାରେ ଲାଗିପଡିଛନ୍ତି ଫ୍ୟାନ୍ସ ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
କଥାଟି ହେଲା ଯେ ଦିୟା ଓ ବୈଭବଙ୍କ ବିବାହର ବିଧି-ବିଧାନ ଜଣେ ମହିଳା ପୂଜାରୀ କହିଥଲେ । ଆଉ ବୁଧବାର ସେହି ପୂଜାରୀଙ୍କ ସହ ସମସ୍ତଙ୍କୁ ସାକ୍ଷାତ କରାଇ ତାଙ୍କର ପରିଚୟ ମଧ୍ୟ ଦେଇଥିଲେ । ଟ୍ବିଟରରେ ତାଙ୍କର ଫଟୋ ପୋଷ୍ଟ କରିଛନ୍ତି କ୍ୟାପସନରେ ସେ ଲେଖିଛନ୍ତି, ‘ଆମ ବିବାହ ସମ୍ପନ୍ନ କରୁଥିବାରୁ ଧନ୍ୟବାଦ ଶୀଲା ଅଟ୍ଟା । ଆପଣଙ୍କ ପାଇଁ ମୁଁ ଗର୍ବିତ।’