ମୁମ୍ବାଇ: ଲୋକପ୍ରିୟ ଅଭିନେତ୍ରୀ ଭୂମି ପେଡନେକ ଓ ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଫିଲ୍ମ ‘ସୋନଚିରୈୟା’ ରିଲିଜକୁ ଦୁଇ ବର୍ଷ ପୂରଣ ହୋଇଛି । ଏହି ଅବସରରେ ସୋସିଆଲ ମିଡିଆରେ ସୁଶାନ୍ତଙ୍କୁ ମନେ ପାଇ ଭାବବିହ୍ବଳ ହୋଇଯାଇଛି ଅଭିନେତ୍ରୀ ।
ସୁଶାନ୍ତଙ୍କୁ ମନେ ପକାଇଲେ ଭୂମି - ଲୋକପ୍ରିୟ ଅଭିନେତ୍ରୀ ଭୂମି ପେଡନେକଙ୍କ ନ୍ୟୁଜ
ଭାଇରାଲ ହେଲା ଭୂମିଙ୍କ ଇନଷ୍ଟାଗ୍ରାମ ଷ୍ଟୋରି । ‘ସୋନଚିରୈୟା’ ରିଲିଜକୁ ଦୁଇ ବର୍ଷ ପୂରଣ ଅବସରରେ ସେୟାର କଲେ ଫିଲ୍ମ ସେଟରୁ ଅନେକ ଫଟୋ । ଅଧିକ ପଢନ୍ତୁ...
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଭୂମି ପେଡନେକର
ସେ ଇନଷ୍ଟାଗ୍ରାମ ଷ୍ଟୋରିରେ ଫିଲ୍ମର କିଛି ଫଟୋ ସେୟାର କରିଛନ୍ତି । ଯେଉଁଥିରେ ସୁଶାନ୍ତଙ୍କ ସହ ଫିଲ୍ମର କିଛି କଳାକାର ନଜର ଆସୁଛନ୍ତି । ଆଉ ଏହାର କ୍ୟାପସନରେ ଲେଖିଛନ୍ତି, ‘ସୋନଚିରୈୟାରେ ମୋର ଯାତ୍ରା । ଜଣେ ମଣିଷ ରୂପେ ଏହି ଫିଲ୍ମ ମୋ ଜୀବନକୁ ବଦଲାଇ ଦେଇଛି। ସେ ମତେ ସାହାସୀ କରିବା ସହ ମଜବୁତ କରିଛନ୍ତି । ମତେ ବାହଦୂର କରିବା ସହ ନିସ୍ବାର୍ଥପର କରିବାରେ ସଫଳ । ଫଟୋ ଜରିଆରେ ଆପଣ ମଧ୍ୟ ଜାଣିଯିବେ ଏମିତି ମୁଁ କାହିଁକି କହୁଛି ।’
ଭାଇରାଲ ହୋଇଥିବା ଫଟୋରେ ସୁଶାନ୍ତଙ୍କ ପାଖରେ ବସିଥିବାର ନଜର ଆସୁଛନ୍ତି ଭୂମି । ସେପଟେ ଫ୍ୟାନ୍ସ ମଧ୍ୟ ଫଟୋରେ କମେଣ୍ଟ କରି ଇମୋଶନାଲ ହୋଇପଡିଛନ୍ତି । ପ୍ରକାଶ ଥାଉକି 2019ରେ ରିଲିଜ ହୋଇଥିଲା ‘ସୋନଚିରୈୟା’ । ଫିଲ୍ମର କାହାଣୀ ଚମ୍ବଲର ଡକୟାତଙ୍କୁ ନେଇ ଆଧାରିତ ।