ମୁମ୍ବାଇ: ନିଜ ଫିଲ୍ମରେ ପ୍ରଗତିଶୀଳ ଭୂମିକାରେ ଅଭିନୟ କରି ପ୍ରଶଂସକ ଓ କ୍ରିଟିକ୍ସଙ୍କ ଦ୍ବାରା ବହୁ ପ୍ରଶଂସା ଲାଭ କରିଥିବା ଅଭିନେତ୍ରୀ ଭୂମି ପେଡନେକର ଚର୍ଚ୍ଚାରେ । ସେ ଗୁରୁବାର ଆଲୋଚନା କରିଥିଲେ ଯେ ଦର୍ଶକଙ୍କୁ ବାର୍ତ୍ତା ଦେବା ଭଳି ଫିଲ୍ମ ଏବଂ ଭୂମିକା ସବୁବେଳେ ଖୋଜନ୍ତି । କାରଣ ସେ ଚାହାଁନ୍ତି ଦର୍ଶକ ଫିଲ୍ମ ଦ୍ବାରା ବାସ୍ତବ ଜୀବନରେ କିଛି ଭଲ ଜିନିଷ ଶିଖନ୍ତୁ ।
ଏହି ବିଷୟରେ ଆଲୋଚନା କରି କହିଥିଲେ, ‘ମୁଁ ଭାବୁଛି ମୋର ଫିଲ୍ମ ଦର୍ଶକଙ୍କୁ ମନୋରଞ୍ଜନ କରାଇବା ସହ ଏକା ସାଙ୍ଗରେ ଦର୍ଶକଙ୍କୁ ଏକ ଚିନ୍ତାଧାରା ସହିତ ସମ୍ପୃକ୍ତ କରିବାକୁ ଚେଷ୍ଟା କରେ । ଯାହାଦ୍ବାରା ସେମାନଙ୍କର ଚିନ୍ତାଧାରା ଭଲରେ ପରିବର୍ତ୍ତନ ହୁଏ । ମୋର ଅଧିକାଂଶ ଫିଲ୍ମ ସାମାଜିକ ପ୍ରସଙ୍ଗ ଉପରେ ଆଧାରିତ ହୋଇଥାଏ । ଯଦିଓ ଆପଣ ପତି ପତ୍ନୀ ୱୌ ପରି ଏକ ଫିଲ୍ମ ବିଷୟରେ ଭାବନ୍ତି, ଯେଉଁଥିରେ ମନୋରଞ୍ଜନର ଖୁରାଖ ନଥିଲା । ହେଲେ ସ୍ପଷ୍ଟ ଭାବେ ଆପଣ ଦେଖିପାରିଥିଲେ ଯେ ଆପଣଙ୍କୁ ବିବାହର ସାମାଜିକ ଚାପର ସମ୍ମୁଖୀନ ହେବାକୁ ପଡିବ ନାହିଁ । ବିବାହରେ ରହିବା ମଧ୍ୟ ମହିଳାଙ୍କ ପସନ୍ଦ ହେବା ଦରକାର । ଏଥିପାଇଁ ମୁଁ ସବୁବେଳେ ଏହି ଭଳି ପ୍ରସଙ୍ଗ ଉପରେ ଆଧାରିତ ଫିଲ୍ମରେ କାମ କରିବାକୁ ଭଲ ପାଏ । ଯାହା ଦର୍ଶକଙ୍କୁ ସଠିକ୍ ବାର୍ତ୍ତା ଦେଇପାରିବ ।’