ରିଲିଜ ହେଲା ଅନୁଷ୍କାଙ୍କ ୱେବ ଫିଲ୍ମ ‘ବୁଲବୁଲ’ ଫାଷ୍ଟଲୁକ

ୱେବ ସିରିଜ ପରେ ଏବେ ୱେବ ଫିଲ୍ମକୁ ନେଇ ଚର୍ଚ୍ଚାରେ ଅନୁଷ୍କା ଶର୍ମା । ସାମ୍ନାକୁ ଆସିଲା ଫିଲ୍ମରେ ଫାଷ୍ଟଲୁକ ପୋଷ୍ଟର...

ମୁମ୍ବାଇ: ଫେମସ ୱେବ ସିରିଜ ‘ପାତାଲ ଲୋକ’ ଜରିଆରେ ଡିଜିଟାଲ ଦୁନିଆରେ ପଦାର୍ପଣ କରିଥିଲେ ସୁନ୍ଦରୀ ଅନୁଷ୍କା ଶର୍ମା । ଆଉ ଏବେ ଫ୍ୟାନ୍ସଙ୍କ ପାଇଁ ଆଉ ଏକ ସରପ୍ରାଇଜ ନେଇ ଫେରିଛନ୍ତି । ଯାହାକୁ ଦେଖି ଖୁସି ହୋଇଯିବେ ଫ୍ୟାନ୍ସ । ଆଜ୍ଞା ହଁ, ୱେବ ସିରିଜ ପରେ ଏବେ ସେ ୱେବ ଫିଲ୍ମ ‘ବୁଲବୁଲ’ ଆଣିବେ । ଯାହାର ଫାଷ୍ଟଲୁକ ପୋଷ୍ଟର ଜାରି ହୋଇଯାଇଛି । ଏହି ଫିଲ୍ମଟି ନେଟଫ୍ଲିକ୍ସରେ ଆସନ୍ତା 24 ତାରିଖରେ ରିଲିଜ ହେବ ।

ଅନୁଷ୍କା ଫିଲ୍ମର ମୋଶନ ପୋଷ୍ଟର ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି, ‘ବୁଲବୁଲର ପ୍ରଥମ ଲୁକ । ଆତ୍ମକୁ ଖୋଜିବା ଏବଂ ନ୍ୟାୟ ବିଷୟରେ ଏକ ଶାନଦାର କାହାଣୀ । ବିଦ୍ୟା, ରହସ୍ୟ ଏବଂ ଷଡଯନ୍ତ୍ରରେ ଆବୃତ ଏହି କାହାଣୀ ଖୁବଶୀଘ୍ର ନେଟଫ୍ଲିକ୍ସରେ ଆସିବ ।’

ପ୍ରକାଶ ଥାଉକି ବୁଲବୁଲ ଅନୁଷ୍କାଙ୍କ କ୍ଲିନ ସ୍ଲେଟ ପ୍ରଡକ୍ସନ ହାଉସରେ ପ୍ରଯୋଜିତ ହୋଇଛି । ଏହା ଏକ ପିରିୟଡ ଡ୍ରାମା ଫିଲ୍ମ । କାହାଣୀ ଅନ୍ଧବିଶ୍ବାସକୁ ନେଇ ଆଧାରିତ । ଫିଲ୍ମରେ ଅବିନାଶ ତିୱାରୀ, ତୃପ୍ତି ଡିମ୍ରି, ରାହୁଲ ବୋସ, ପରମବ୍ରାତା ଚାଟାର୍ଜୀ ମୁଖ୍ୟ ଭୂମିକାରେ ନଜର ଆସିବେ ।