ଜୋତା ସଫା କରିବାରେ ବ୍ୟସ୍ତ ବିରାଟ, ମଜାଦାର ପୋଷ୍ଟ କରୁଛନ୍ତି ଅନୁଷ୍କା

ଭାଇରାଲ ହେଲା ବିରାଟଙ୍କ ନୂଆ ଫଟୋ । ଏଥର ସେ ସୁନା ପିଲାଙ୍କ ପରି ନିଜ ଜୋତା ସଫା କରୁଥିବାର ଆସୁଛନ୍ତି ନଜର । ଅଧିକ ପଢନ୍ତୁ...

ମୁମ୍ବାଇ: ବିରୁଷ୍କା ନାମରେ ଫେମସ ବିରାଟ କୋହଲି ଓ ଅନୁଷ୍କା ଶର୍ମା ଖୁବଶୀଘ୍ର ବାପା-ମା' ହେବାକୁ ଯାଉଛନ୍ତି । ନିକଟରେ ଗର୍ଭବତୀ ଘୋଷଣା କରି ସୋସିଆଲ ମିଡିଆରେ ଫ୍ୟାନ୍ସଙ୍କୁ ସରପ୍ରାଇଜ ଦେଇଥିଲେ ଏହି ଯୋଡି । ଆଇପିଏଲ ପାଇଁ କିଛି ଦିନରୁ ଦୁବାଇରେ ରହିଆସୁଛନ୍ତି ବିରାଟ ଓ ଅନୁଷ୍କା । ନିକଟରେ ବିରାଟଙ୍କୁ ଖାସ୍ ଅନ୍ଦାଜରେ ବର୍ଥଡେ ୱିଶ କରିଥିଲେ ଅନୁଷ୍କା । ଆଉ ଏବେ ସ୍ବାମୀଙ୍କ ମଜାଦାର ପୋଷ୍ଟ କରି ଚର୍ଚ୍ଚାରେ ସେ ।

ଭାଇରାଲ ହେଉଥିବା ପୋଷ୍ଟରେ ବିରାଟ ନିଜ ସ୍ପୋର୍ଟ୍ସ ଜୋତା ବ୍ରସ୍‌ରେ ସଫା କରୁଥିବାର ନଜର ଆସୁଛନ୍ତି । ଏହାକୁ ଇନଷ୍ଟାଗ୍ରାମ ଷ୍ଟୋରିରେ ସେୟାର କରି ଅନୁଷ୍କା ଲେଖିଛନ୍ତି, ‘ଭ୍ରମଣ ପୂର୍ବରୁ ସ୍ବାମୀ କାଦୁଅ ସ୍ପାଇକ୍ସୁ ସଫା କରିଥିବା ବେଳେ ଧରାପଡିଛନ୍ତି ।’ ଏହାସହ କ୍ରିକେଟ ବ୍ୟାଟ ଓ ହାର୍ଟ ଇମୋଜି ମଧ୍ୟ ଦେଇଛନ୍ତି ଅନୁଷ୍କା ।

ପ୍ରକାଶ ଥାଉକି ପ୍ରଥମଥର ପିତା ହେବାକୁ ଯାଉଥିବା ବିରାଟଙ୍କୁ ବିସିସିଆଇ ତରଫରୁ ପିତୃତ୍ବ ଛୁଟି ମିଳିଛି । ସେହିପରି ଅନୁଷ୍କା ମଧ୍ୟ ଜିରୋ ପରଠୁ କୌଣସି ବି ଫିଲ୍ମରେ ନଜର ଆସିନାହାଁନ୍ତି । ପ୍ରଥମ ପିଲା ପାଇଁ ସେ କାମରୁ ମଧ୍ୟ ବ୍ରେକ ନେଇଛନ୍ତି । ନିକଟରେ ରିଲିଜ ହୋଇଥିଲା ତାଙ୍କ ଡେବ୍ୟୁ ୱେବ ସିରିଜ ‘ପାତାଲ ଲୋକ’ । ଯାହାକୁ ଖୁବ୍ ପସନ୍ଦ କରିଥିଲେ ସମସ୍ତେ ।