ମୁମ୍ବାଇ: ବଲିଉଡ ଆକ୍ଟର ମଧ୍ୟ ଅନ୍ତରାଷ୍ଟ୍ରୀୟ ସ୍ତରରେ ଦେଶର ନାମ ଗର୍ବିତ କରାଉଛନ୍ତି। ଏହି ଅଭିନେତାଙ୍କ ମଧ୍ୟରେ ସାମିଲ ଅଛନ୍ତି ଫେମସ ଆକ୍ଟର ବିଦ୍ୟୁତ ଜାମୱାଲ। ତାଙ୍କୁ ପୂର୍ବରୁ ଜ୍ୟାକି ଚେନ ପୁରସ୍କାରରେ ପୁରସ୍କୃତ କରାଯାଇଥିଲା। ନିଜର ଦମଦାର ଆକ୍ସନ ଓ ରିୟଲ ଷ୍ଟଣ୍ଟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ବିଦ୍ୟୁତଙ୍କ ନାମରେ ଏବେ ଆଉ ଏକ ଉପଲବ୍ଧି ସମ୍ପୃକ୍ତ ହୋଇଛି। ଏହି ଉପଲବ୍ଧି ତାଲିକାରେ ଋଷ ରାଷ୍ଟ୍ରପଚି ଭ୍ଲାଦିମିର ପୁଟିନ ଓ ବିୟର ଗ୍ରିଲ୍ସଙ୍କ ନାମ ସହ ବିଦ୍ୟୁତଙ୍କ ନାମ ଯୋଡି ହୋଇଛି।
କଥାଟି ହେଲା ଯେ ‘ଦ ରିଚେଷ୍ଟ’ ମାଗାଜିନ ବିଶ୍ବର ଏମିତି ଷ୍ଟାର୍ସଙ୍କ ତାଲିକା ଜାରି କରିଛି । ଯାହାଙ୍କ ସହ ପଙ୍ଗା ନେବା ସମସ୍ତଙ୍କୁ ମହଙ୍ଗା ପଡିପାରେ। ଏହି ତାଲିକାରେ ଭାରତରୁ କେବଳ ବିଦ୍ୟୁତଙ୍କ ନାମ ସାମିଲ ହୋଇଛି। ବିଦ୍ୟୁତଙ୍କୁ ଫିଲ୍ମରେ ବିନା ବଡି ଡବଲ ସାହାଯ୍ୟରେ ଭୟାନକ ଷ୍ଟଣ୍ଟ କରୁଥିବାର ଦେଖିବାକୁ ମିଳିଥାଏ । ଯାହା ପାଇଁ ସେ ଆଜି ଫେମସ।