ମୁମ୍ବାଇ: ବଲିଉଡ ଅଭିନେତା ବିଦ୍ୟୁତ ଜାମୱାଲ ଫିଲ୍ମଠୁ ଅଧିକ ନିଜ ଫିଟନେସ ଏବଂ ମାର୍ଶଲ ଆର୍ଟ ପାଇଁ ଚର୍ଚ୍ଚାରେ ରୁହନ୍ତି । ସେ ନିଜକୁ ଫିଟ୍ ରଖିବା ପାଇଁ ହାର୍ଡରୁ ହାର୍ଡକୋର ୱାର୍କଆଉଟ କରନ୍ତି । ସେ ପ୍ରାୟତଃ ସୋସିଆଲ ମିଡିଆରେ ନିଜର ୱାର୍କଆଉଟ ଭିଡିଓ ସେୟାର କରି ସମସ୍ତଙ୍କୁ ଫିଟ୍ ରହିବାକୁ ପ୍ରେରଣା ଯୋଗାଆନ୍ତି । ଏଥିପାଇଁ ତ ତାଙ୍କ ନାମ ଦୁନିଆର ଟପ୍ ମାର୍ଶଲ ଆର୍ଟିଷ୍ଟଙ୍କ ମଧ୍ୟରେ ସାମିଲ ଅଛି । ଯାହାକୁ ସ୍ପଷ୍ଟ କରିଛନ୍ତି ଅଭିନେତା ।
ସେ ଇନଷ୍ଟାଗ୍ରାମରେ ଗୁଗଲର ଏକ ସ୍କ୍ରିନ୍ ସଟ ସେୟାର କରିଛନ୍ତି। ଯେଉଁଥିରେ ଦେଖିବାକୁ ମିଳୁଛି ତାଙ୍କ ନାମ ଫେମସ ମାର୍ଶଲ ଆର୍ଟିଷ୍ଟ ଜେଟ୍ ଲି, ଜ୍ୟାକି ଚାନ୍, ବ୍ରୁସ୍ ଲି, ଜନି ଟ୍ରି ନଗୁଏନ୍, ଷ୍ଟିଭେନ୍ ସେଗଲ୍, ଡୋନି ୟେନ୍, ଟନି ଜାଙ୍କ ମଧ୍ୟରେ ସାମିଲ ଅଛି ।