ମୁମ୍ବାଇ: ଅଭିନେତା ବରୁଣ ଧାୱନ ବର୍ତ୍ତମାନ ତାଙ୍କର ଆଗାମୀ ହରର-ଥ୍ରୀଲର ଫିଲ୍ମ ‘ବେହଡିୟା’ ସୁଟିଂରେ ବ୍ୟସ୍ତ । ଫିଲ୍ମର ସୁଟିଂ ବର୍ତ୍ତମାନ ଅରୁଣାଚଳ ପ୍ରଦେଶରେ ଚାଲିଛି। ଏହି ଫିଲ୍ମରେ ତାଙ୍କ ସହ ଅଭିନେତ୍ରୀ କିର୍ତ୍ତୀ ସାନନ ନଜର ଆସିବେ। ସେପଟେ ଅରୁଣାଚଳ ପ୍ରଦେଶରୁ ବରୁଣଙ୍କ ଏକ ଭିଡିଓ ସୋସିଆଲ ମିଡିଆରେ ଏବେ ଘୁରିବୁଲୁଛି । ଏହି ଭିଡିଓରେ ବରୁଣ ଏକ କାର ଉପରେ ଠିଆ ହୋଇ ଲୋକଙ୍କୁ ଅନୁରୋଧ କରୁଥିବାର ନଜର ଆସୁଛନ୍ତି ।
କଥାଟି ହେଲା ଯେ ବିଳମ୍ବିତ ରାତିରେ ବରୁଣଙ୍କ କାରକୁ ଘେରିଯାଇଥିଲେ ଫ୍ୟାନ୍ସ । ଆଉ ଫଟୋ ଉଠାଇବା ସହ ଚିତ୍କାର କରିବା ଆରମ୍ଭ କରିଦେଇଥିଲେ ସମସ୍ତେ । ଏହା ଦେଖି ବରୁଣ କାର ଉପରେ ଠିଆ ହୋଇ ସମସ୍ତଙ୍କୁ ଶାନ୍ତି ବଜାୟ ରଖିବାକୁ ଅନୁରୋଧ କରିଥିଲେ ।
ସେହିପରି ହାତ ଯୋଡି ବରୁଣ କହିଛନ୍ତି, ‘ଧନ୍ୟବାଦ ବନ୍ଧୁଗଣ। ତୁମେମାନେ ମୋତେ ବହୁତ ପ୍ରେମ ଦେଇଛ । ମୁଁ ଏଠାରେ ବେହଡିୟାର ସୁଟିଂ କରୁଛି । ମୁଁ ଅଧିକ ସମୟ ଏଠାରେ ରହିବି । ଫିଲ୍ମର କିଛି ଅଂଶ ସୁଟିଂ ପାଇଁ ବାକି ଅଛି । ତେଣୁ ତୁମେମାନେ ଶାନ୍ତିରେ ଫିଲ୍ମର ସୁଟିଂ କରିବାକୁ ଦିଅ । ସୁଟ ସରିବା ମାତ୍ରେ ମୁଁ ତୁମକୁ ଏଠାରେ ଭେଟିବି ।’
