ମୁମ୍ବାଇ: କୋରୋନା କାଳରୁ ଦେଶବାସୀଙ୍କ ସେବା କରିଆସୁଥିବା ସୋନୁ ସୁଦଙ୍କୁ ନେଇ ସାମ୍ନାକୁ ଆସିଛି ଗୁଡନ୍ୟୁଜ । ଦୀର୍ଘ ସମୟରୁ ତାଙ୍କୁ ପରଦାରେ ଦେଖିବାକୁ ଅନାଇ ବସିଥିବା ଦର୍ଶକଙ୍କ ପାଇଁ ସୋମବାର ଘୋଷଣା ହୋଇଯାଇଛି ତାଙ୍କ ଆଗାମୀ ଫିଲ୍ମ ‘କିଶାନ୍’ । ଦେଶରେ ଚାଲିଥିବା କୃଷକ ଆନ୍ଦୋଳନ ମଧ୍ୟରେ ‘କିଶାନ୍’ ଫିଲ୍ମ ବିଷୟରେ ଘୋଷଣା କରି ଚର୍ଚ୍ଚାରେ ନିର୍ଦ୍ଦେଶକ ଇ. ନିୱାସ ଏବଂ ସ୍କ୍ରିନରାଇଟର, ନିର୍ଦ୍ଦେଶକ ରାଜ ସାନ୍ଧିଆଲିଆ ।
ସେପଟେ ବିଗ୍ ବି ଅମିତାଭ ବଚ୍ଚନ ‘କିଶାନ୍’ର ପୁରା ଟିମକୁ ଶୁଭେଚ୍ଛା ଜଣାଇ ଏକ ଟ୍ବିଟ କରି ଲେଖିଛନ୍ତି, ‘ମୋର ଶୁଭେଚ୍ଛା ଏବଂ ଶୁଭକାମନା କିଶାନ୍ ଟିମ ସହ ଅଛି ।’ ଅମିତାଭଙ୍କ ଟ୍ବିଟରେ ସଙ୍ଗେ ସଙ୍ଗେ ପ୍ରତିକ୍ରିୟା ଦେଇ ସୋନୁ ମଧ୍ୟ ତାଙ୍କୁ ଧନ୍ୟବାଦ ଜଣାଇଛନ୍ତି ।