ମୁମ୍ବାଇ: ଗତ ବର୍ଷ କୋରୋନା କାଳରେ ଦେଶବାସୀଙ୍କ ଭଗବାନ ସାଜିଥିଲେ ହ୍ୟାଣ୍ଡସମ ଆକ୍ଟର ସୋନୁ ସୁଦ । ସେ କ୍ରମାଗତ ଭାବେ ସମସ୍ତଙ୍କୁ ସାହାଯ୍ୟ କରିଥିଲେ । ଏଯାବତ ମଧ୍ୟ ତାଙ୍କ ଏହି ସାହାଯ୍ୟ ଅଭିଯାନ ଶେଷ ହୋଇନାହିଁ । ତାଙ୍କ ଏହି ମହାନତା ପାଇଁ ଆଜି ତାଙ୍କୁ ସବୁ ମହଲରୁ ପ୍ରଶଂସା ମିଳୁଛି। ଇତିମଧ୍ୟରେ ସେ ପୁଣି ଚର୍ଚ୍ଚାରେ । ଏଥର ଏମିତି କାମ କରିଛନ୍ତି ଅଭିନେତା ଯାହା ଦ୍ବାରା କେବଳ ଜଣେ କିମ୍ବା ଦୁଇ ଜଣ ନୁହେଁ ବରଂ 10 କୋଟି ଲୋକଙ୍କୁ ସାହାଯ୍ୟ ମିଳିବ ।
କଥାଟି ହେଲା ଯେ ସେ ରବିବାର ଟ୍ବିଟରରେ ନିଜର ଉଚ୍ଚାଭିଳାଷୀ ଯୋଜନା ସେୟାର କରିଛନ୍ତି । ଯେଉଁଥିରେ ସେ ଦେଶର 10 କୋଟି ବେକାର ଲୋକଙ୍କୁ କିପରି ଚାକିରୀ ଦେବେ ସେ ନେଇ କହିଛନ୍ତି । ସୋନୁ ସୁଦଙ୍କ ଏହି ଘୋଷଣା ପରେ ତାଙ୍କୁ ସବୁ ସ୍ଥାନରେ ପ୍ରଶଂସା କରାଯାଉଛି ।