ବ୍ୟାଣ୍ଡୱାଲା ସାଜିଲେ ସୋନୁ, ବିବାହରେ ବଜାଇବେ ବାଜା

ପୁଣି ନୂଆ କାମକୁ ନେଇ ଚର୍ଚ୍ଚାରେ ସୋନୁ । ଏଥର ବିବାହରେ ବଜାଇବେ ବାଜା । ବ୍ୟାଣ୍ଡୱାଲା ସାଜି ସେୟାର କଲେ ଭିଡିଓ । ଅଧିକ ପଢନ୍ତୁ...

ମୁମ୍ବାଇ: ଅଭିନେତା ସୋନୁ ସୁଦ ସବୁବେଳେ ନିଜ ମହାନ କାମ ପାଇଁ ଚର୍ଚ୍ଚାରେ ରୁହନ୍ତି । ସେ ଅଭାବୀ ଲୋକଙ୍କ ଦୁଃଖ ଦୂର କରିବାକୁ ସବୁବେଳେ ଚେଷ୍ଟା କରନ୍ତି । ଗତ ବର୍ଷରୁ ସେ ଲୋକଙ୍କୁ ସାହାଯ୍ୟ କରିଆସୁଛନ୍ତି । ସୋସିଆଲ ମିଡିଆରେ ଜରିଆରେ ସେ ସମସ୍ତଙ୍କୁ ସହଯୋଗର ହାତ ବଢାଉଛନ୍ତି । ଇତିମଧ୍ୟରେ ସେ ନିଜର ଏକ ନୂଆ ଭିଡିଓକୁ ନେଇ ଚର୍ଚ୍ଚାରେ । ଯାହା ଖୁବ୍ ଭାଇରାଲ ହେବାରେ ଲାଗିଛି ।

ଭିଡିଓରେ ସୋନୁ ବାଜା ବଜାଉଥିବାର ନଜର ଆସୁଛନ୍ତି । ତାଙ୍କ ସହ ଆଉ ଦୁଇଜଣ ବାଜା ବାଲାଙ୍କୁ ମଧ୍ୟ ଦେଖିବାକୁ ମିଳୁଛି । ସେହିପରି ସେ ଭିଡିଓରେ କହୁଛନ୍ତି, ‘କେବେ ବି କାହାର ବିବାହ କରାଇବାର ଅଛି ତେବେ ଆମ ବ୍ୟାଣ୍ଡ ଜଏନ କରନ୍ତୁ । ଯାହା ଜବରଦସ୍ତ । ଆଜି ଆମ ସହ ସୁରେଶ ଆଉ ବାସୁ ଅଛନ୍ତି । ବାସୁ ଆରମ୍ଭ କରନ୍ତୁ ।’

ଏହାପରେ ସୋନୁ ସେମାନଙ୍କ ସହ ମିଶି ବାଜା ବଜାଇବା ଆରମ୍ଭ କରିଦେଉଛନ୍ତି । ଅନ୍ୟପଟେ କ୍ୟାପସନରେ ଲେଖିଛନ୍ତି, ‘ବ୍ୟାଣ୍ଡୱାଲା । ବିବାହ ପାଇଁ ସଙ୍ଗେ ସଙ୍ଗେ ସମ୍ପର୍କ କରନ୍ତୁ ।’ ନିଜ ଫେଭରେକ୍ଟ ଆକ୍ଟର ସୋନୁଙ୍କ ଏହି ଭିଡିଓକୁ ଖୁବ୍ ପସନ୍ଦ କରିଛନ୍ତି ଫ୍ୟାନ୍ସ । ଦେଖନ୍ତୁ ଭିଡିଓ...