ମୁମ୍ବାଇ: କୋରୋନା ମହାମାରୀରେ ପିତାମାତାଙ୍କୁ ହରାଇଥିବା ପିଲାମାନଙ୍କର ଭବିଷ୍ୟତକୁ ନେଇ ଚିନ୍ତାରେ ସୋନୁ ସୁଦ । ସରକାରଙ୍କୁ କଲେ ଖାସ୍ ଅପିଲ । ସୋସିଆଲ ମିଡିଆରେ ଏକ ଭିଡିଓ ସେୟାର କରି ଏହି ମହାମାରୀରେ ପିତାମାତାଙ୍କୁ ହରାଇଥିବା ପିଲାମାନଙ୍କର ଭବିଷ୍ୟତ ବିଷୟରେ ଚିନ୍ତା କରିବାକୁ ସରକାର ଏବଂ ଦାନକାରୀ ସଂସ୍ଥାକୁ ନିବେଦନ କରିଛନ୍ତି।
ସେହିପରି ସେ କହିଛନ୍ତି, ‘ମୁଁ ରାଜ୍ୟ ସରକାର, କେନ୍ଦ୍ର ସରକାର କିମ୍ବା ଯେକୌଣସି ଅନୁଷ୍ଠାନକୁ କହିବାକୁ ଚାହୁଁଛି ଯେ ସେହି ପିଲାଙ୍କୁ ସାହାଯ୍ୟ କରିବା ଦରକାର। ଯେଉଁମାନେ କୋରୋନାରେ ନିଜ ମାତା-ପିତାଙ୍କୁ ହରାଉଛନ୍ତି । ଏକ ନିୟମ ରହିବା ଉଚିତ ଯେ କୋରୋନା ସମୟରେ ଯିଏ ପରିବାରର ସଦସ୍ୟଙ୍କୁ ହରାଇଛନ୍ତି, ସେହି ପିଲାଙ୍କର ଶିକ୍ଷା, ସ୍କୁଲରୁ କଲେଜ ପର୍ଯ୍ୟନ୍ତ ସରକାରୀ ବିଦ୍ୟାଳୟରେ ହେଉ କିମ୍ବା ଘରୋଇ ବିଦ୍ୟାଳୟରେ ହେଉ, ବିନା ମୂଲ୍ୟରେ ହେବା ଉଚିତ୍।’