‘ଗଲି ବୟ’ ଫେମ ସିଦ୍ଧାନ୍ତଙ୍କ ସିଙ୍ଗଲ ସଙ୍ଗ୍ ଡେବ୍ୟୁ

ଆସନ୍ତା ସପ୍ତାହରେ ରିଲିଜ ହେବ ସିଦ୍ଧାନ୍ତଙ୍କ ସିଙ୍ଗଲ ସଙ୍ଗ । ଯାହା ଜରିଆରେ ସେ ସଙ୍ଗୀତ ଦୁନିଆରେ ପଦାର୍ପଣ କରିବାକୁ ଯାଉଛନ୍ତି ।

ମୁମ୍ବାଇ: ଫେମସ ଅଭିନେତା ସିଦ୍ଧାନ୍ତ ଚତୁର୍ବେଦୀ ନିଜ ଡେବ୍ୟୁ ଫିଲ୍ମ ‘ଗଲି ବୟ’ରେ ଛୋଟ ରୋଲରେ ଅଭିନୟ କରି ସମସ୍ତଙ୍କୁ ଆକର୍ଷିତ କରିଥିଲେ । ଫିଲ୍ମରେ ସେ ରାପର ଏମସି ଶେରଙ୍କ ଭୂମିକାରେ ଶାନଦାର ଅଭିନୟ କରିଥିଲେ । ଆଉ ଦୀର୍ଘ ସମୟରୁ ତାଙ୍କ ଆଗାମୀ ଫିଲ୍ମ ‘ବଣ୍ଟି ଔର ବବଲିର’ ରିମେକକୁ ନେଇ ଉତ୍ସାହିତ ଫ୍ୟାନ୍ସ । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଆଉ ଏକ ଗୁଡନ୍ୟୁଜ । ଯାହା ଶୁଣି ସମସ୍ତେ ଖୁସି ହୋଇଯିବେ । କାରଣ ସେ ଖୁବଶୀଘ୍ର ସେ ନିଜର ଡେବ୍ୟୁ ସିଙ୍ଗଲ ସଙ୍ଗ ରିଲିଜ କରିବାକୁ ପ୍ରସ୍ତୁତ । ଯାହା ଆସନ୍ତା ସପ୍ତାହରେ ରିଲିଜ ହେବ । ନିକଟରେ ସେ ସୋସିଆଲ ମିଡିଆ ଜରିଆରେ ଏହାର ଘୋଷଣା କରିଥିଲେ ସେ । ଏହାସହ ନିଜର ଏକ ଫଟୋ ମଧ୍ୟ ପୋଷ୍ଟ କରିଥିଲେ । ଯେଉଁଥିରେ ସେ ନିଜ ଗିଟାର ସହିତ ବେଡରେ ଶୋଇଥିବାର ନଜର ଆସୁଥିଲେ ।

ସେହିପରି ଏହାର କ୍ୟାପସନରେ ସେ ଲେଖିଥିଲେ, ‘ଏକୁଟିଆରେ ଭାବିଲି ମୁଁ କିଛି କରିବି । ପୁଣି ଭାବିଲି କାହିଁକି କରିବିନି । ମୋର ପ୍ରଥମ ସିଙ୍ଗଲ ଡ୍ରପ କରିବି । କରିବା ନିଜ ପବ୍ଲିକ ପାଇଁ କିଛି ଖାସ୍ । #ସିଡପାପ୍ସ ।’