ସିଦ୍ଧାନ୍ତ-ଅନନ୍ୟାଙ୍କ ସହ ନଜର ଆସିବେ ‘ଦ ହ୍ବାଇଟ ଟାଇଗର’ ଫେମ

ଜୋୟା ଅଖତରଙ୍କ ଆଗାମୀ ଫିଲ୍ମକୁ ନେଇ ଚର୍ଚ୍ଚା । ସିଦ୍ଧାନ୍ତ ଓ ଅନନ୍ୟାଙ୍କ ସହ ସାମିଲ ହେଲେ ଆଦର୍ଶ ଗୌରବ । ଅଧିକ ପଢନ୍ତୁ...

ମୁମ୍ବାଇ: କିଛି ଦିନରୁ ଚର୍ଚ୍ଚାରେ ନିର୍ମାତା ତଥା ନିର୍ଦ୍ଦେଶିକା ଜୋୟା ଅଖତରଙ୍କ ଆଗାମୀ ଫିଲ୍ମ। ଯେଉଁଥିରେ ନଜର ଆସିବେ ‘ଗଲି ବୟ’ ଫେମ ସିଦ୍ଧାନ୍ତ ଚତୁର୍ବେଦୀ, ଅନନ୍ୟା ପାଣ୍ଡେ । ଇତିମଧ୍ୟରେ ଫିଲ୍ମରେ ସାମିଲ ହୋଇଛନ୍ତି ‘ଦ ହ୍ବାଇଟ ଟାଇଗର’ ଫେମ ଆଦର୍ଶକ ଗୌରବ ।

ଜୋୟା ଏହି ଫିଲ୍ମ ନିର୍ମାଣ କରିବାକୁ ଯାଉଥିବା ବେଳେ ଡେବ୍ୟୁ ନିର୍ମାତା ଅର୍ଜୁନ ଫିଲ୍ମରେ ନିର୍ଦ୍ଦେଶନା ଦେବେ। ଫିଲ୍ମର କାହାଣୀ ବିଷୟରେ ଏପର୍ଯ୍ୟନ୍ତ ଜଣା ପଡିନାହିଁ, କିନ୍ତୁ ସିଦ୍ଧାନ୍ତ, ଅନନ୍ୟା ଏବଂ ଆଦର୍ଶ ଏହି ଫିଲ୍ମରେ ଅଭିନୟ କରିବାକୁ ରାଜି ହୋଇସାରିଛନ୍ତି ବୋଲି ଚର୍ଚ୍ଚା ଜୋର ଧରିଛି। ନିର୍ମାତା ଚଳିତ ବର୍ଷ ଫିଲ୍ମର ସୁଟିଂ ଆରମ୍ଭ କରିବାକୁ ଯୋଜନା କରିଛନ୍ତି ।

ପ୍ରକାଶ ଥାଉକି ସିଦ୍ଧାନ୍ତ ଏହାପୂର୍ବରୁ ଜୋୟାଙ୍କ ବହୁ ଚର୍ଚ୍ଚିତ ଫିଲ୍ମ ‘ଗଲି ବୟ’ରେ ନଜର ଆସିଥିଲେ । ଏହାବ୍ୟତୀତ ଅନନ୍ୟାଙ୍କ ସହ ସିଦ୍ଧାନ୍ତ ନିର୍ଦ୍ଦେଶକ ଶକୁନ ବାତ୍ରାଙ୍କ ଆଗାମୀ ଫିଲ୍ମରେ ମଧ୍ୟ ଅଭିନୟ କରୁଥିବାର ଦେଖାଯିବେ । ଯେଉଁଥିରେ ମୁଖ୍ୟ ଭୂମିକାରେ ଦୀପିକା ପାଦୁକୋନ ଅଛନ୍ତି ।