ସାମନ୍ଥାଙ୍କ ସହ ଇଣ୍ଟିମେଣ୍ଟ ସିନ ହଟାଇବା ଘଟଣାରେ ମୁହଁ ଖୋଲିଲେ ଶାହାବ

‘ଦ ଫ୍ୟାମିଲି ମ୍ୟାନ 2’ର କିଛି ଇଣ୍ଟିମେଣ୍ଟ ସିନ ଡିଲିଟ ଘଟଣା ଉପରେ ବୟାନ ଦେଲେ ଭିଲେନ ଭୂମିକାରେ ଅଭିନୟ କରିଥିବା ଶାହାବ ଅଲ୍ଲି । ଅଧିକ ପଢନ୍ତୁ...

ମୁମ୍ବାଇ: ମନୋଜ ବାଜପେୟୀଙ୍କ ‘ଦ ଫ୍ୟାମିଲି ମ୍ୟାନ 2’ ୱେବ ସିରିଜ ଦର୍ଶକଙ୍କ ଜବରଦସ୍ତ ପ୍ରତିକ୍ରିୟା ପାଇବାରେ ଲାଗିଛି । ସିରିଜର ପ୍ରତ୍ୟେକ ଚରିତ୍ରକୁ ପ୍ରଶଂସା କରାଯାଉଛି | ବିଶେଷ କରି ରାଜିଙ୍କ ଭୂମିକାରେ ଅଭିନୟ କରିଥିବା ସାଉଥ ଲୋକପ୍ରିୟ ଅଭିନେତ୍ରୀ ସାମାନ୍ଥା ଆକ୍କିନେନିଙ୍କ ଅଭିନୟର ଚର୍ଚ୍ଚା ବେଶ୍ ହେଉଛି । ଫିଲ୍ମରେ ସେ ଖଳନାୟିକା ଭୂମିକାରେ ଦମଦାର ଅଭିନୟ କରିଥିଲେ । ସେପଟେ ସିରିଜରୁ ଇଣ୍ଟିମେଣ୍ଟ ସିନ ହଠାଇବା ଘଟଣା ଉପରେ କିଛି ଦିନରୁ ଚର୍ଚ୍ଚା ହେଉଛି । ଯାହା ଉପରେ ପ୍ରତିକ୍ରିୟା ରଖିଛନ୍ତି ଭିଲେନ ଭୂମିକାରେ ଅଭିନୟ କରିଥିବା ଶାହାବ ଅଲ୍ଲି । ଯିଏ ସାମାନ୍ଥଙ୍କ ସହ ସିରିଜରେ ଇଣ୍ଟିମେଣ୍ଟ ସିନ କରିଥିଲେ ।

କଥାଟି ହେଲା ସିରିଜ ଷ୍ଟ୍ରିମିଂ କରିବା ପୂର୍ବରୁ ମେକର୍ସ ସାମାନ୍ଥା ଓ ଶାହାବଙ୍କ ସେହି ଇଣ୍ଟିମେଣ୍ଟ ସିନ୍ ହଟାଇ ଦେଇଥିଲେ । ଯାହା ବିଷୟରେ ଶାହାବ କହିଛନ୍ତି, ‘କେବଳ ଇଣ୍ଟିମେଣ୍ଟ ସିନ ଏଡିଟ୍ ହୋଇନଥିଲା ବରଂ ଏହା ଏକ ପ୍ରକ୍ରିୟା ଥିଲା। ଯଦି ଶୋ ଲମ୍ବା, ତେବେ ପରେ ଏଡିଟିଂ କରାଯାଏ । ଏହା ନୁହେଁ ଯେ କୌଣସି ନିର୍ଦ୍ଦିଷ୍ଟ ସିନକୁ ଡିଲିଟ କରିଦିଆଯାଏ । ଯେଉଁ ସିନ ହଟାଇବା ଦ୍ବାରା ଶୋ ଉପରେ କୌଣସି ପ୍ରଭାବ ପଡେ ନାହିଁ ତାହା ହଟାଇବାକୁ ନିଷ୍ପତ୍ତି ନିଅନ୍ତି ମେକର୍ସ ।’

ପ୍ରକାଶ ଥାଉକି ଦୁନିଆର ସବୁଠାରୁ ଫେମସ ୱେବ ସିରିଜ ଲିଷ୍ଟର IMDBରେ ମନୋଜଙ୍କ ଏହି ସିରିଜ ଚତୁର୍ଥ ସ୍ଥାନରେ ସ୍ଥାନ ପାଇଛି । ଯାହାକୁ ନେଇ ଖୁସି ମେକର୍ସ ।