ମୁମ୍ବାଇ: ବି-ଟାଉନର ସଞ୍ଜୁ ବାବା ସଞ୍ଜୟ ଦତ୍ତ ନିକଟରେ କ୍ୟାନ୍ସର ରୋଗକୁ ମାତ୍ ଦେଇ ସୁସ୍ଥ ହୋଇ ଫେରିଥିଲେ । ଯାହାକୁ ନେଇ ଖୁସ ଅଛନ୍ତି ତାଙ୍କ ଫ୍ୟାନ୍ସ । ଆଉ ତାଙ୍କ ବହୁପ୍ରତିକ୍ଷିତ ଫିଲ୍ମ ‘କେଜିଏଫ 2’ ଦେଖିବାକୁ ବ୍ୟାକୁଳ ସମସ୍ତେ । ଏହି ଫିଲ୍ମରେ ଖଳନାୟକ ସାଜି ସେ ତାମିଲ ସୁପରଷ୍ଟାର ୟଶଙ୍କ ସହ ଲଢିବେ । ସେହିପରି ଫିଲ୍ମରେ ଅଭିନେତ୍ରୀ ରବୀନା ଟଣ୍ଡନ ମଧ୍ୟ ଦେଖାଯିବେ । ‘କେଜିଏଫ 2’ ବ୍ୟତୀତ ସଞ୍ଜୟ ବର୍ତ୍ତମାନ ନିଜର ଅପକମିଂ ଫିଲ୍ମ ‘ତୋରବାଜ୍’କୁ ନେଇ ବ୍ୟସ୍ତ ଅଛନ୍ତି । ନିର୍ମାତା ଗିରିଶ ମାଲିକଙ୍କ ଏହି ଫିଲ୍ମରେ ମାନବ କୋଣ ସହିତ ଆତଙ୍କବାଦ ବିଷୟରେ ଆଲୋଚନା କରାଯାଇଛି ।
‘ତୋରବାଜ୍’ ହେଉଛି ଏମିତି ଜଣେ ବ୍ୟକ୍ତିଙ୍କ କାହାଣୀ ଯିଏ ବ୍ୟକ୍ତିଗତ ଦୁଃଖଦ ଘଟଣାଠାରୁ ଦୂରେଇ ବିନାଶ ରାସ୍ତାରେ ଯାଉଥିବା ଶରଣାର୍ଥୀ ଶିବିର ପିଲାମାନଙ୍କ ଜୀବନକୁ ପରିବର୍ତ୍ତନ କରିବାକୁ ଯାଇ ସେମାନଙ୍କୁ କ୍ରିକେଟ ଶିଖାଉଥିବାର ନଜର ଆସିବେ ।