ସନ୍ଦୀପଙ୍କ ମୃତ୍ୟୁରେ ମର୍ମାହତ କୋ-ଷ୍ଟାର ଅନୁପମ

ବଲିଉଡର ଆଉ ଜଣେ ଅଭିନେତା ହାରିଲେ ଜୀବନ । ଗତ ବର୍ଷ ସୁଶାନ୍ତ କରିଥିଲେ ଆତ୍ମହତ୍ୟା । ଆଉ ଏବର୍ଷ ତାଙ୍କ କୋ-ଷ୍ଟାରଙ୍କ ମୃତ୍ୟୁରେ ଖେଳି ଯାଇଛି ଶୋକର ଛାୟା । ଅଧିକ ପଢନ୍ତୁ...

ମୁମ୍ବାଇ: ଏବର୍ଷ ଆରମ୍ଭର ଗୋଟିଏ ମାସ ମଧ୍ୟରେ ସେଲିବ୍ରିଟିଙ୍କ ମୃତ୍ୟୁ ଖବର ଶୁଣିବାକୁ ମିଳିଲାଣି । ନିକଟରେ ରାଜୀବ କପୁରଙ୍କ ଦେହାନ୍ତ ହୋଇଥିବା ବେଳେ ସୋମବାର ଅଭିନେତା ସନ୍ଦୀପ ନାହାରଙ୍କ ଆତ୍ମହତ୍ୟାକୁ ନେଇ ସମସ୍ତେ ଦୁଃଖ । ମୃତ୍ୟୁ ପୂର୍ବରୁ ଫେସବୁକ୍‌ରେ ଏକ ନୋଟ ସହ ନିଜର ଭିଡିଓ ସେୟାର କରି ଦୁଃଖ ପ୍ରକାଶ କରିଥିଲେ ସେ । ସେପଟେ ତାଙ୍କ ମୃତ୍ୟୁରେ ଦୁଃଖି ଥିବା ଅନୁପମ ଖେର ଶୋକ ପ୍ରକାଶ କରିଛନ୍ତି ।

ଅନୁପମଙ୍କ ସହ ‘ଏମଏସ ଧୋନି’ ଫିଲ୍ମରେ କାମ କରିଥିଲେ ସନ୍ଦୀପ । ତାଙ୍କ ମୃତ୍ୟୁ ଖବର ଶୁଣି ଚକିତ ହେବା ସହ ଅନୁପମ କହିଛନ୍ତି, ‘ସନ୍ଦୀପଙ୍କ ମୃତ୍ୟୁ କଥା ଶୁଣି ବଡ ଧକ୍କା ଲାଗିଛି । ମୁଁ ଗତ କାଲି ରାତି ବିଷୟରେ କିଛି ଜାଣିନାହିଁ । ଏବେ ତାଙ୍କ ମୃତ୍ୟୁ ଖବର ଶୁଣିବା ପରେ ମତେ ତାଙ୍କ ସହ କାମ କରିବା ଦିନ ମନେ ପଡିଯାଇଛି । ପୁଣିଥରେ ଆମ ପାଖରୁ ଭଲ ବ୍ୟକ୍ତି ଦୂରେଇ ଗଲେ ।’

ପ୍ରକାଶ ଥାଉକି ସୁଶାନ୍ତ ସିଂ ରାଜପୁତଙ୍କ ବ୍ଲକବଷ୍ଟର ଫିଲ୍ମ ‘ଏମଏସ ଧୋନି’ରେ ଅନୁପମ ତାଙ୍କ ପିତା ଭୂମିକାରେ ଅଭିନୟ କରିଥିବା ବେଳେ ବନ୍ଧୁ ଭୂମିକାରେ ନଜର ଆସିଥିଲେ ସନ୍ଦୀପ ।