ଫେବୃଆରୀରେ ‘ଦ ଫ୍ୟାମିଲି ମ୍ୟାନ 2’ ନେଇ ଫେରିବେ ମନୋଜ

ରିଲିଜ ହୋଇଯାଇଛି ‘ଦ ଫ୍ୟାମିଲି ମ୍ୟାନ 2’ର ନୂଆ ଟିଜର । ଏହାସହ ଘୋଷଣା ହେଲା ସିରିଜର ରିଲିଜ ତାରିଖ । ଫେବୃଆରୀରେ ଦେଖିବାକୁ ମିଳିବ ମନୋଜଙ୍କ ନୂଆ ଅନ୍ଦାଜ ।

ମୁମ୍ବାଇ: ମନୋଜ ବାଜପେୟୀ ପୁଣିଥରେ ପ୍ରସ୍ତୁତ ହୋଇସାରିଛନ୍ତି ଦର୍ଶକଙ୍କୁ ମନୋରଞ୍ଜନ କରିବାକୁ । ହେଲେ ଫିଲ୍ମ ଜରିଆରେ ନୁହେଁ ବରଂ ୱେବ ସିରିଜ ଜରିଆରେ ସେ କିଣିବେ ସମସ୍ତଙ୍କ ମନ । କାରଣ ଘୋଷଣା ହୋଇଯାଇଛି ତାଙ୍କ ଚର୍ଚ୍ଚିତ ସିରିଜ ‘ଦ ଫ୍ୟାମିଲି ମ୍ୟାନ 2’ର ରିଲିଜ ତାରିଖ । ଆମାଜନ ପ୍ରାଇମ ଭିଡିଓରେ ଫେବୃଆରୀ 12ରେ ଷ୍ଟ୍ରିମିଂ ହେବାକୁ ଯାଉଛି । ଯାହାକୁ ନେଇ ଉତ୍ସାହିତ ଦର୍ଶକ । ସେପଟେ ସିରିଜର ନିର୍ମାତା ରାଜ ଏବଂ ଡିକେ ସିରିଜର ଏକ ଟିଜର ଭିଡିଓ ମଧ୍ୟ ସେୟାର କରିଛନ୍ତି ।

ଏହି ଦୁଇ ନିର୍ମାତା ଟ୍ବିଟରରେ ଟିଜର ଭିଡିଓ ପୋଷ୍ଟ କରି ଲେଖିଛନ୍ତି, ‘ଏଥର କେହି ମଧ୍ୟ ସୁରକ୍ଷିତ ନୁହନ୍ତି । କିଏ ଅଛନ୍ତି ରାଜି । ମୁହଁ ପଛରେ ମୁହଁ । ଗଭୀର ରହସ୍ୟ ।’ ଟିଜରରେ ମନୋଜଙ୍କ ଆଶ୍ଚର୍ଯ୍ୟକର ଅନ୍ଦାଜ ଦେଖିବାକୁ ମିଳୁଛି ।

ସେହିପରି ମନୋଜଙ୍କ ବ୍ୟତୀତ ସିରିଜରେ ଦର୍ଶନ କୁମାର, ସନ୍ନି ହିନ୍ଦୁଜା, ଶ୍ରେୟା ଧନବନ୍ତରି, ଶହାବ ଅଲ୍ଲୀ, ବେଦାନ୍ତ ସିହ୍ନା, ମହେକ ଠାକୁର ଏବଂ ସୀମା ବିଶ୍ବାସ ଭଳି କଳାକାର ଅଭିନୟ କରୁଛନ୍ତି । ଦ ଫ୍ୟାମିଲି ମ୍ୟାନ 2ର ପ୍ରଥମ ସିଜନ ମଧ୍ୟ ଖୁବ୍ ଲୋକପ୍ରିୟ ହାସିଲ କରିଥିଲା ।