ବିଶ୍ବର ପପୁଲାର ୱେବ ସିରିଜରେ ‘ଦ ଫ୍ୟାମିଲି ମ୍ୟାନ 2’

ସଫଳତା ସିଡି ଚଢି ଚାଲିଛି ‘ଦ ଫ୍ୟାମିଲି ମ୍ୟାନ 2’ । ବିଶ୍ବର ପପୁଲାର ୱେବ ସିରିଜରେ ଚତୁର୍ଥ ସ୍ଥାନରେ ଏହି ସିରିଜ । ଅଧିକ ପଢନ୍ତୁ...

ମୁମ୍ବାଇ: କୋରୋନା ମହାମାରୀ ମଧ୍ୟରେ ଦର୍ଶକଙ୍କ ମଧ୍ୟରେ ଓଟିଟି ପ୍ଲାଟଫର୍ମର ଚାହିଦା ବେଶ୍ ବଢିଚାଲିଛି । ଏହାକୁ ଦୃଷ୍ଟିରେ ରଖି ଅନେକ ନିର୍ମାତା, ନିର୍ଦ୍ଦେଶକଙ୍କ ଠୁ ନେଇ ବଡ ବଡ ସୁପରଷ୍ଟାର ଏବେ ଡିଜିଟାଲ ମୁହାଁ ହେଲେଣି । ଏହି କ୍ରମରେ ସାମିଲ ଅଛନ୍ତି ବଲିଉଡର ଫେମସ ଆକ୍ଟର ମନୋଜ ବାଜପେୟୀ । ନିକଟରେ ରିଲିଜ ହୋଇଥିଲା ତାଙ୍କ ବହୁ ଚର୍ଚ୍ଚିତ ସିରିଜ ‘ଦ ଫ୍ୟାମିଲି ମ୍ୟାନ 2’ । ଯାହାକୁ ବେଶ୍ ସଫଳତା ମିଳିଛି । ମନୋଜଙ୍କ ସହ ସିରିଜରେ ଦମଦାର ଅଭିନୟ କରିଥିଲେ ସାଉଥ ଅଭିନେତ୍ରୀ ସାମାନ୍ଥା ।

ଦୁଇଜଣଙ୍କ ଏହି ସିରିଜ କେବଳ ଦେଶରେ ନୁହେଁ ବିଦେଶରେ ମଧ୍ୟ ଚହଳ ସୃଷ୍ଟି କରିଛି । ଯାହାକୁ ଆଧାର କରି ଦର୍ଶକ ଏହାର ତୃତୀୟ ସିଜନ ଦେଖିବାକୁ ଡିମାଣ୍ଡ କରୁଛନ୍ତି । ସେହିପରି ଦୁନିଆର ସବୁଠାରୁ ଫେମସ ୱେବ ସିରିଜ ଲିଷ୍ଟର IMDBରେ ମନୋଜଙ୍କ ଏହି ସିରିଜ ଚତୁର୍ଥ ସ୍ଥାନରେ ସ୍ଥାନ ପାଇଛି ।

ସିରିଜର ଜବରଦସ୍ତ ସଫଳତା ପରେ ଏହାର ନିର୍ମାତା ଏବଂ ଅଭିନେତା ନିଜର ପ୍ରତିକ୍ରିୟା ଦେଉଛନ୍ତି | ନିଜେ ଶ୍ରୀକାନ୍ତ ତିୱାରୀ ଭୂମିକାରେ ଅଭିନୟ କରିଥିବା ଅଭିନେତା ମନୋଜ ଏହା ଉପରେ ନିଜର ପ୍ରତିକ୍ରିୟା ଦେଇଛନ୍ତି ଖୁସି ପ୍ରକାଶ କରିଛନ୍ତି ।