ସୋସିଆଲ ମିଡିଆରେ କାମ ଖୋଜୁଛନ୍ତି ମନୀଷ

ଏବେ ଚର୍ଚ୍ଚାରେ ଅଭିନେତା ତଥା ହୋଷ୍ଟ ମନୀଷ ପଲ। ଲକଡାଉନ ପ୍ରଭାବ ତାଙ୍କ ଉପରେ ପଡିଛି। ଯେଉଁଥି ପାଇଁ ସେ ଏବେ କାମ ଖୋଜିବାର ବ୍ୟସ୍ତ ନଜର ଆସୁଛନ୍ତି...

ମୁମ୍ବାଇ: ଟିଭି-ଫିଲ୍ମ ଇଣ୍ଡଷ୍ଟ୍ରିର ପପୁଲାର ହୋଷ୍ଟ ମନୀଷ ପଲ ନିକଟରେ କୋରୋନା ଭାଇରସ ଉପରେ ନିର୍ମାଣ ହୋଇଥିବା ଏକ ସଟ ଫିଲ୍ମରେ ନଜର ଆସିଥିଲେ। ଏଥିରେ ତାଙ୍କର କାର୍ଯ୍ୟକୁ ଉଚ୍ଚ ପ୍ରଶଂସା କରାଯାଇଥିଲା। ମନୀଷ ତାଙ୍କର ଶାନଦାର ଆଙ୍କରିଂ ପାଇଁ ଜଣାଶୁଣା । ଏହା ବ୍ୟତୀତ ସେ ଅନେକ ଫିଲ୍ମରେ ନିଜର ଅଭିନୟ ଦକ୍ଷତା ପ୍ରଦର୍ଶନ କରିସାରିଛନ୍ତି। ହେଲେ ଲକଡାଉନ ପାଇଁ ସେ ମଧ୍ୟ ହନ୍ତସନ୍ତ। ତାଙ୍କ ପାଖରେ ନାହିଁ କୌଣସି କାମ । ଏଥିପାଇଁ ସେ ସୋସିଆଲ ମିଡିଆରେ ନିଜ ପାଇଁ କାମ ଖୋଜୁଛନ୍ତି । ଯାହା ଚର୍ଚ୍ଚାର ବିଷୟ ପାଲଟିଛି।

ସେ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କର ପୋର୍ଟଫୋଲିଓର କିଛି ଫଟୋକୁ ଏକ କୋଲାଜ ତିଆରି କରି ସେୟାର କରିଛନ୍ତି। ଯେଉଁଥିରେ ସେ ଭିନ୍ନ ଭିନ୍ନ ରୂପରେ ନଜର ଆସୁଛନ୍ତି। ଆଉ ଏହାର କ୍ୟାପସନରେ ଲେଖିଛନ୍ତି, ‘ନାମ- ମନୀଷ ପାଲ, ଉଚ୍ଚତା, 6 ଫୁଟ । ରଙ୍ଗ- ଧଳା । ମୁଁ ଜଣେ ଅଭିନେତା ଓ ହୋଷ୍ଟ ମଧ୍ୟ। ଲକଡାଉନ ସମ୍ପୂର୍ଣ୍ଣ ହେବା ପରେ ମୁଁ ସୁଟିଂ କରିବାକୁ ଚାହୁଁଛି । ମୁଁ ଠିକ୍ ସମୟରେ ସେଟକୁ ଆସିବି । ମୁଁ ପୂର୍ଣ୍ଣ 12 ଘଣ୍ଟା ଦେବା ସହ ଆଉ 1 ଘଣ୍ଟା ଅଧିକ କାମ କରିବାକୁ ରାଜି ଅଛି । ମୁଁ ମୋର ଖାଦ୍ୟ ମଧ୍ୟ ଘରୁ ଆଣିବି ଏବଂ ମୋର କର୍ମଚାରୀମାନେ ମଧ୍ୟ ନିଜେ ଖାଦ୍ୟ ଆଣିବେ। ଭ୍ୟାନିଟିରେ ଫଳ କିମ୍ବା ବିସ୍କୁଟ ଦରକାର ପଡିବ ନାହିଁ। ଫିଲ୍ମ, ୱେବ ଶୋ, ୱେବ ସିରିଜ, ରିୟାଲିଟି ଶୋ, ହୋଷ୍ଟିଂ ପାଇଁ ଯୋଗାଯୋଗ କରନ୍ତୁ, ଜୟ ମାତା ଦି। ’

ବର୍ତ୍ତମାନ ତାଙ୍କ ଏହି ମଜାଦାର ପୋଷ୍ଟରେ ଫ୍ୟାନ୍ସଙ୍କ ଶାନଦାର କମେଣ୍ଟ ଦେଖିବାକୁ ମିଳୁଛି । ଆପଣ ମଧ୍ୟ ଦେଖନ୍ତୁ ତାଙ୍କର ଏହି ପୋଷ୍ଟ...