ଆଇସକ୍ରିମ ବିକିବେ କାର୍ତ୍ତିକ, ମୂଲ୍ୟ ଜାଣି ଉଡିଯିବ ହୋସ

କରନ ଜୋହରଙ୍କ ଆଗାମୀ ଫିଲ୍ମ ‘ଦୋସ୍ତାନା 2’ରେ ନଜର ଆସିବେ କାର୍ତ୍ତିକ ଆର୍ୟନ । ଫିଲ୍ମ ସୁଟିଂ ପୂର୍ବରୁ କାର୍ତ୍ତିକଙ୍କ ପାଇଁ ଶାନଦାର ଉପହାର ପଠାଇଲେ କରନ। ଯାହାକୁ ବିକି 2 ଲକ୍ଷରୁ ଅଧିକ ଟଙ୍କା ରୋଜଗାର କରିବେ କାର୍ତ୍ତିକ।

ମୁମ୍ବାଇ: କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ନିଜ ଫିଲ୍ମଠୁ ଅଧିକ ସୋସିଆଲ ମିଡିଆ ପାଇଁ ଚର୍ଚ୍ଚାରେ ରହିଥାଆନ୍ତି। ସେ ସବୁବେଳେ ସୋସିଆଲ ମିଡିଆରେ ଆକ୍ଟିଭ ମଧ୍ୟ ନଜର ଆସନ୍ତି। ନିକଟରେ ସେ ନିଜର ଏକ ପୋଷ୍ଟ ଜରିଆରେ ଆଇସକ୍ରିମ ବିକିବେ ବୋଲି ସମସ୍ତଙ୍କୁ ଜଣାଇଥିଲେ। ଯାହାର ମୂଲ୍ୟ ଦୁଇ ଲକ୍ଷରୁ ଅଧିକ ରଖିବେ। ତାଙ୍କର ଏହି ଭିଡିଓ ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି।

କଥାଟି ହେଲା ଯେ ଭିଡିଓର କ୍ୟାପସନରେ ସେ ଲେଖିଛନ୍ତି, ‘ମୁଁ ଆଇସକ୍ରିମ ବିକ୍ରି କରିବି। ଆଉ ଏହି ଆଇସକ୍ରିମର ଗୋଟିଏ ସ୍କୁପର ମୂଲ୍ୟ 2 ଲକ୍ଷରୁ ଅଧିକ ରଖିବି।’

ପ୍ରକାଶ ଥାଉକି ଏହି ଆଇସକ୍ରିମ ବକ୍ସ ତାଙ୍କୁ ଆଉ କେହି ନୁହେଁ ବରଂ ଫେମସ ନିର୍ମାତା କରନ ଜୋହର ଦେଇଛନ୍ତି । ଭିଡିଓରେ ଦେଖିବାକୁ ମିଳୁଛି ଯେ ଜଣେ ଡେଲିଭରି ବୟ କାର୍ତ୍ତିକଙ୍କ ଘର ବାହାରେ ଏକ ବକ୍ସ ସହ ଠିଆ ହୋଇଛନ୍ତି । ଡେଲିଭରି ବୟ କହିଛନ୍ତି କି ଏହି ବକ୍ସ ତାଙ୍କ ପାଇଁ କରନ ସାର ପଠାଇଛନ୍ତି । ଆଉ ଭିଡିଓ କ୍ୟାପସନରୁ ଜଣାପଡିଯାଇଛି ଯେ ବକ୍ସରେ ଆଇସକ୍ରିମ ଅଛି।