ମୁମ୍ବାଇ: କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କ ପାଇଁ ବିଗ ବସ 13ର ଫେମସ ପ୍ରତିଯୋଗୀ ତଥା ପଞ୍ଜାବୀ ଅଭିନେତ୍ରୀ ସେହନାଜ ଗିଲଙ୍କ ଦିୱାନୀ କାହାକୁ ଅଛପା ନୁହେଁ । ବିଗ ବସ ହାଉସରେ ଯେବେ କାର୍ତ୍ତିକ ସାମିଲ ହୋଇଥିଲେ, ସେହି ସମୟରେ ସେହନାଜ ଫ୍ୟାନ ମୁମେଣ୍ଟ ଦେଖିବାକୁ ମିଳିଥିଲା । ସେ କାର୍ତ୍ତିକଙ୍କ ଜବରଦସ୍ତ ଫ୍ୟାନ । ଇନଷ୍ଟାଗ୍ରାମରେ ଦୁଇଜଣ ପରସ୍ପରକୁ ଫଲୋ କରୁଛନ୍ତି । ଏବେ ଦୁଇଜଣଙ୍କ ମଜାଦାର ଅନ୍ଦାଜ ସୋସିଆଲ ମିଡିଆରେ ଦେଖିବାକୁ ମିଳୁଛି ।
ମଙ୍ଗଳବାର ସେହନାଜ ନିଜର ଏକ ସୁନ୍ଦର ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ । ଯାହାର କ୍ୟାପସନରେ ସେ ଲେଖିଥିଲେ, ‘ସମସ୍ତଙ୍କୁ ସମ୍ମାନ ଦିଅ ।’ ଏହାପରେ ଆଉ କଣ ଥିଲା ତାଙ୍କର ଏହି ଫଟୋରେ କାର୍ତ୍ତିକ ସଙ୍ଗେ ସଙ୍ଗେ ମଜାଦାର କମେଣ୍ଟ କରିଦେଇଥିଲେ । କମେଣ୍ଟ ସେକ୍ସନରେ ଦୁଇଜଣଙ୍କ ମସ୍ତିଭରା କଥା ଦେଖି ଫ୍ୟାନ୍ସ ମଧ୍ୟ ଏକ୍ସାଇଟେଡ ହୋଇଯାଇଥିଲେ ।