ଟ୍ବିଟରରେ ଟ୍ରେଣ୍ଡ କରୁଛନ୍ତି ସିରିଏଲ କିସର

ଚର୍ଚ୍ଚାରେ ରୋମାଣ୍ଟିକ ଆକ୍ଟର ଇମରାନ ହାସମୀ । ଏଥର ସରକାରଙ୍କ ନିଷ୍ପତ୍ତିକୁ ସମର୍ଥନ କରି ଫ୍ୟାନ୍ସଙ୍କ ମନ ପୁଣି କିଣିଛନ୍ତି ।

ମୁମ୍ବାଇ: ଭାରତ ସରକାର ଦ୍ବାରା ଅନେକ ଚୀନ ଆପ ବ୍ୟାନ ଘୋଷଣା ପରେ ଅନେକ ସେଲିବ୍ରିଟି ସାମ୍ନାକୁ ଆସି ଏହାର ସ୍ବାଗତ କରିଛନ୍ତି । ସୋସିଆଲ ମିଡିଆରେ ଫଟୋ ଏବଂ ଭିଡିଓ ଜରିଆରେ ସରକାରଙ୍କ ଏହି ନିଷ୍ପତ୍ତର ପ୍ରଶଂସା ମଧ୍ୟ କରୁଛନ୍ତି । ଏହାସହ ଫ୍ୟାନ୍ସଙ୍କୁ ଚୀନ ଆପକୁ ଫୋନରୁ ଡିଲିଟ କରିବାକୁ ମଧ୍ୟ ଅପିଲ କରିବାରେ ଲାଗିଛନ୍ତି ଅନେକ ସେଲିବ୍ରିଟି । ଏହି କ୍ରମରେ ଏବେ ବି-ଟାଉନର ସିରିୟଲ କିସର ଇମରାନ ହାସମୀମଙ୍କ ନାମ ସାମିଲ ହୋଇଛି । ବର୍ତ୍ତମାନ ସେ ଟ୍ବିଟରରେ ଟ୍ରେଣ୍ଡ ମଧ୍ୟ କରୁଛନ୍ତି ।

କଥାଟି ହେଲା ଯେ ସେ ନିକଟରେ ଟ୍ବିଟରରେ ‘ଭୋକାଲ ଫାର ଲୋକାଲ’କୁ ପ୍ରୋତ୍ସାହିତ କରି ଏକ ଭିଡିଓ ସେୟାର କରିଥିଲେ । ଯାହା ଫ୍ୟାନ୍ସଙ୍କ ମନ କିଣିଛି । ଏହି ପୋଷ୍ଟ ଉପରେ ପଜିଟିଭ କମେଣ୍ଟ ମଧ୍ୟ କରିବାରେ ଲାଗିଛନ୍ତି ଫ୍ୟାନ୍ସ । ଏହି କାରଣ ପାଇଁ ଏବେ ଟ୍ବିଟରରେ #EmraanHashmi ଟ୍ରେଣ୍ଡ କରୁଛି ।

ବର୍ତ୍ତମାନ ତାଙ୍କ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି । ଫ୍ୟାନ୍ସଙ୍କ ଅନୁଯାୟୀ ଇମରାନ ଆତ୍ମବିଶ୍ବାସ ସହ ଏହି କଥାର ଆଲୋଚନା କରିଛନ୍ତି ଯେ ଚୀନ ଉତ୍ପାଦ ଏବଂ କମ୍ପାନୀର ବହିଷ୍କାର କରି ଆତ୍ମନିର୍ଭର ହେବାକୁ ।