ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ସହ ସମ୍ପୃକ୍ତ ଥିବା ବଲିଉଡ ଡ୍ରଗ୍ସ କେସରେ କ୍ରମାଗତ ଯାଞ୍ଚ କରୁଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) । ଇତିମଧ୍ୟରେ ଡ୍ରଗ୍ସ ମାମଲାରେ ଅଭିନେତା ଏଜାଜ ଖାନଙ୍କୁ ଏନସିବି ଗିରଫ କରିଛି ।
ଡ୍ରଗ୍ସ ପେଡଲର ଶାଦବ ବଟାଟାଙ୍କୁ ଗିରଫ କରାଯିବା ପରେ ଅଭିନେତା ଏଜାଜଙ୍କ ନାଁ ସାମ୍ନାକୁ ଆସିଥିଲା ।
ଆଜି(ମଙ୍ଗଳବାର) ଏଜାଜ ରାଜସ୍ଥାନରୁ ମୁମ୍ବାଇ ଫେରିଥିଲେ, ପରେ ଏନସିବି ତାଙ୍କୁ ଗିରଫ କରିଥିଲା । ଏଜାଜ ବଟାଟା ଗ୍ୟାଙ୍ଗର ଅଂଶ ବୋଲି ଅଭିଯୋଗ ହୋଇଛି ।
ଏନସିବି ଟିମ୍ ମଧ୍ୟ ଅନ୍ଧେରି ଏବଂ ଲୋଖଣ୍ଡୱାଲାର ବିଭିନ୍ନ ସ୍ଥାନରେ ଚଢାଉ କରୁଛି ।
ପ୍ରକାଶ ଥାଉ ଯେ, ନିକଟରେ ଏନସିବି ମୁମ୍ବାଇର କୁଖ୍ୟାତ ଡ୍ରଗ୍ସ ଡିଲର ଫାରୁଖ ବାଟାଟାଙ୍କ ପୁଅ ଶାଦାବ ବାଟାଟାଙ୍କୁ ଗିରଫ କରି ପ୍ରାୟ 2 କୋଟି ଟଙ୍କା ମୂଲ୍ୟର ଡ୍ରଗ୍ସ ଉଦ୍ଧାର କରିଛି। ବଲିଉଡ ସେଲିବ୍ରିଟିଙ୍କୁ ମଧ୍ୟ ଡ୍ରଗ୍ସ ଯୋଗାଇଥାନ୍ତି ଶାଦାବ ।
