ଲକଡାଉନରେ ରଣଭୀରଙ୍କ ପତ୍ନୀ ଡର, ଲାଇଭ ଚାର୍ଟରେ କଲେ ସେୟାର

ଚର୍ଚ୍ଚାରେ ଆୟୁଷ୍ମାନଙ୍କ ଲାଇଭ ଚାର୍ଟ । ହଠାତ୍ ତାଙ୍କ ଲାଇଭ ଚାର୍ଟରେ ସାମିଲ ହୋଇଥିଲେ ରଣଭୀର । ଯାହାକୁ ନେଇ ରାଗିଥିଲେ ଦୀପିକା ।

ମୁମ୍ବାଇ: ଆୟୁଷ୍ମାନ ଖୁରାନା ବର୍ତ୍ତମାନ ନିଜର ବହୁ ଚର୍ଚ୍ଚିତ ଫିଲ୍ମ ‘ଗୁଲାବୋ-ସିତାବୋ’କୁ ନେଇ ଚର୍ଚ୍ଚାରେ । ଆସନ୍ତା 12 ତାରିଖରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ରିଲିଜ ହେବ ଫିଲ୍ମ । ଦର୍ଶକ ଫିଲ୍ମରେ ତାଙ୍କ ସହ ଅମିତାଭ ବଚ୍ଚନଙ୍କୁ ଦେଖିବାକୁ ନେଇ ବ୍ୟାକୁଳ । ଆଉ ଏବେ ସୋସିଆଲ ମିଡିଆରେ ଆୟୁଷ୍ମାନ ଫିଲ୍ମର ପ୍ରମୋଶନ କରିବାରେ ବ୍ୟସ୍ତ ।

ସେ ଭିଡିଓ କଲରେ ସାକ୍ଷାତକାର କରିବା ସହ ଇନଷ୍ଟାଗ୍ରାମରେ ଲାଇଭ ଚାର୍ଟରେ ଫ୍ୟାନ୍ସଙ୍କ ସହ କଥାବାର୍ତ୍ତା ମଧ୍ୟ ହେଉଛନ୍ତି । ହେଲେ ନିକଟରେ ଆୟୁଷ୍ମାନଙ୍କ ଲାଇଭ ଚାର୍ଟରେ ହ୍ୟାଣ୍ଡସମ ଆକ୍ଟର ରଣବୀର ସିଂ ଆସିଯାଇଥିଲେ । ଆଉ ପତ୍ନୀ ଦୀପିକା ପାଦୁକୋନଙ୍କଠୁ ଗାଳି ମଧ୍ୟ ଶୁଣିଥିଲେ । ତେବେ ଆସନ୍ତୁ ପୁରା ଘଟଣାଟି ଉପରେ ନଜର ପକାଇବା ।

କଥାଟି ହେଲା ଯେ ଆୟୁଷ୍ମାନ ଇନଷ୍ଟାଗ୍ରାମରେ ଲାଇଭ ଚାର୍ଟରେ ଫ୍ୟାନ୍ସଙ୍କ ସହ କଥାବାର୍ତ୍ତା ହେଉଥିଲେ । ଇତିମଧ୍ୟରେ ରଣବୀର ଏକ କମେଣ୍ଟ କରି ତାଙ୍କୁ ପଚାରିଥିଲେ ଯେ ଦେଶ ଜାଣିବାକୁ ଚାହୁଁଛି ଅମିତାଭ ବଚ୍ଚନଙ୍କ ସହ କାମ କରିବା ତାଙ୍କର ଅଭିଜ୍ଞତା । ଏହି ପ୍ରଶ୍ନ ପଚାରିବା ପରେ ରଣବୀର ତାଙ୍କ ଲାଇଭ ଚାର୍ଟରେ ଗେଷ୍ଟ ଅପିୟରେନ୍ସ ମଧ୍ୟ ଦେଇଥିଲେ ।

ଆଉ ରଣବୀରଙ୍କ ଏହି ମସ୍ତିଭରା ପ୍ରଶ୍ନରେ ଖୁସି ଥିଲେ ଆୟୁଷ୍ମାନ । ହେଲେ ରଣବୀର ତାଙ୍କୁ କହିଥିଲେ ଯେ ସେ ସଙ୍ଗେ ସଙ୍ଗେ ଶୋଇକି ଉଠିଛନ୍ତି । ଆଉ ଦୀପିକା ଜୁମ କଲରେ ଅଛନ୍ତି ତାଙ୍କୁ ଗାଳି କରୁଛନ୍ତି ଫ୍ରେଶ ହେବା ପାଇଁ । ତେଣୁ ତାଙ୍କୁ ଲାଇଭ ଚାର୍ଟ ଛାଡିକି ଯିବାକୁ ପଡିବ ।