ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ଆୟୁଷ୍ମାନ ଖୁରାନା ହିଟ୍ ଫିଲ୍ମ ‘ଆର୍ଟିକଲ 15’ର ରିଲିଜକୁ ଦୁଇ ବର୍ଷ ପୂରଣ ହୋଇଛି । 2019 ଜୁନ 28ରେ ରିଲିଜ ହୋଇଥିଲା ଏହି ଫିଲ୍ମ । ଜାତି ଭେଦଭାବକୁ ପାଇଁ ଆମ ସମାଜରେ ଦେଖା ଦେଉଥିବା ସମସ୍ୟାକୁ ନେଇ ଆଧାରିତ ଏହି ଫିଲ୍ମ । ସେପଟେ ଦୁଇ ବର୍ଷ ପୂରଣ ହେବା ଅବସରରେ ଆୟୁଷ୍ମାନ ଫିଲ୍ମକୁ ନେଇ ନିଜ ମନ କଥା କହିଛନ୍ତି ।
2 ବର୍ଷରେ ‘ଆର୍ଟିକଲ 15’, ନିର୍ଦ୍ଦେଶକଙ୍କୁ ଧନ୍ୟବାଦ ଜଣାଇଲେ ଆୟୁଷ୍ମାନ
ଆୟୁଷ୍ମାନଙ୍କ ଦମଦାର ଫିଲ୍ମ ମଧ୍ୟରେ ଅନ୍ୟତମ ‘ଆର୍ଟିକଲ 15’ । ଯାହାର ରିଲିଜକୁ 2 ବର୍ଷ ପୂରଣ ହୋଇଯାଇଛି । ଅଧିକ ପଢନ୍ତୁ...
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଆୟୁଷ୍ମାନ ଖୁରାନା
ସେ ଏକ ସାକ୍ଷାତକାରରେ ଫିଲ୍ମ ବିଷୟରେ ଆଲୋଚନା କରି କହିଛନ୍ତି, ‘ଆର୍ଟିକଲ 15 ମୋ ଅଭିନୟ ଯାତ୍ରାର ଏକ ବିଶେଷ ଫିଲ୍ମ । ନିର୍ଦ୍ଦେଶକ ଅନୁଭବ ସିହ୍ନା ସାରଙ୍କୁ ଧନ୍ୟବାଦ । ସେ ସବୁଠାରୁ ପସନ୍ଦୀୟ ଫିଲ୍ମ ମଧ୍ୟରୁ ମତେ ଏହି ଫିଲ୍ମ ଦେଇଥିବାରୁ । ଏହା ମୋ ପାଇଁ ଆଖି ଖୋଲିବା ଭଳି ଫିଲ୍ମ ଥିଲା । ମୋତେ ଏକ ଭିନ୍ନ ଲେନ୍ସ ମାଧ୍ୟମରେ ଜିନିଷ ଦେଖିବାରେ ସାହାଯ୍ୟ କରିଥିଲା । ଲୋକଙ୍କୁ ହଲକୁ ଫେରାଇ ଆଣିବା ପାଇଁ ଏହାର ଉତ୍କୃଷ୍ଟ ବିଷୟବସ୍ତୁ ସହିତ ଆମକୁ ଆର୍ଟିକଲ 15 ଭଳି ଫିଲ୍ମ ଦରକାର।’
ଖାଲି ଏତିକି ନୁହେଁ, ଫିଲ୍ମ ବ୍ୟତୀତ ଆୟୁଷ୍ମାନ କୋରୋନା ଓ ଲକଡାଉନ ବିଷୟରେ ମଧ୍ୟ କହିଛନ୍ତି, ‘ମୁଁ ଦୃଢ ଭାବରେ ବିଶ୍ବାସ କରେ ଯେ ମହାମାରୀ ଏବଂ ଲକଡାଉନ ଆମକୁ ପୂର୍ବ ଅପେକ୍ଷା ଅଧିକ ଯତ୍ନବାନ କରିପାରିଛି । ବର୍ତ୍ତମାନ ଲୋକମାନେ କେବଳ ଅନନ୍ୟ ଏବଂ ଭିନ୍ନ ଜିନିଷ ଉପରେ ସମୟ ଏବଂ ଶକ୍ତି ବିନିଯୋଗ କରିବାକୁ ଚାହାଁନ୍ତି । ସେମାନେ ସମ୍ପ୍ରଦାୟର ଅଭିଜ୍ଞତା ଚାହାଁନ୍ତି ଯାହା ଅର୍ଥପୂର୍ଣ୍ଣ ଅଟେ ।’