ମୁମ୍ବାଇ: ବଲିଉଡ ଅଭିନେତା ଅର୍ଜୁନ ରାମପାଲଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ସମନ୍ ପଠାଇଛି । ସୋମବାର ଅଭିନେତା ଅର୍ଜୁନ ରାମପାଲଙ୍କ ମୁମ୍ବାଇ ସ୍ଥିତ ଘରେ ଚଢାଉ ପରେ ନଭେମ୍ବର 11ରେ ଏନସିବିରେ ହାଜର ହେବା ପାଇଁ ସମନ୍ କରାଯାଇଛି ।
ରବିବାର ଡ୍ରଗ୍ସ ମାମଲାରେ ଫିଲ୍ମ ନିର୍ମାତା ଫିରୋଜ ନାଡିଆୱାଲାଙ୍କ ଘରେ ଚଢାଉ କରାଯିବା ପରେ ଏବଂ ତାଙ୍କ ପତ୍ନୀ ଶବାନା ସୈଏଦଙ୍କୁ ନାର୍କୋଟିକ୍ ଡ୍ରଗ୍ ଆଣ୍ଡ ସାଇକୋଟ୍ରୋପିକ୍ ସବଷ୍ଟାନ୍ସ (ଏନଡିପିଏସ୍) ଅଧିନିୟମ ଅନୁଯାୟୀ ଗିରଫ କରାଯାଇଥିଲା। ଶବାନାଙ୍କୁ ନଭେମ୍ବର 23 ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇ ଦିଆଯାଇଛି। ବଲିଉଡରେ ଡ୍ରଗ୍ସ ବ୍ୟବହାର ଉପରେ ଏଜେନ୍ସି ଯାଞ୍ଚ କରୁଛି। ଡ୍ରଗ୍ସ ବେପାରୀ ଏବଂ ଯୋଗାଣକାରୀ ଅଭିଯୋଗରେ ରବିବାର ସୈଏଦଙ୍କ ସହ ଅନ୍ୟ 4 ଜଣଙ୍କୁ ଗିରଫ କରାଯାଇଥିଲା।