ମୁମ୍ବାଇ: ସୁପର ମଡେଲ ଓ ବଲିଉଡର ଅଭିନେତା ମିଲିନ୍ଦ ସୋମନ କିଛି ଦିନରୁ ବିବାଦ ଘେରରେ ରହିଆସୁଛନ୍ତି । ନିଜ ଜନ୍ମଦିନରେ ଉଲଗ୍ନ ଫଟୋସୁଟ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ ସେ । ଯାହାକୁ ଆଧାର କରି ତାଙ୍କ ନାମରେ ଅଶ୍ଳୀଳତା ବିସ୍ତାର କରିବା ଅଭିଯୋଗ ଲାଗି ଏକ ମାମଲା ମଧ୍ୟ ରୁଜୁ ହୋଇଛି । ହେଲେ ଇତିମଧ୍ୟରେ ସେ ପୁଣି ନିଜର ଜବରଦସ୍ତ ଫଟୋ ପୋଷ୍ଟ କରି ସମସ୍ତଙ୍କୁ ଆକର୍ଷିତ କରିଛନ୍ତି । ଯେଉଁଥିରୁ ଲାଗୁଛି ସେ ସୁପରଷ୍ଟାର ଅକ୍ଷୟ କୁମାରଙ୍କ ପଥ ଅନୁସରଣ କରିବା ପରି ।
ଶୁକ୍ରବାର ଅକ୍ଷୟଙ୍କ ହରର କମେଡି ଫିଲ୍ମ ‘ଲକ୍ଷ୍ମୀ’ ରିଲିଜ ହୋଇଥିଲା । ଆଶା ଅନୁଯାୟୀ ଫିଲ୍ମକୁ ପ୍ରତିକ୍ରିୟା ମିଳିନାହିଁ । ସେପଟେ କିନ୍ନର ଅବତାରରେ ନିଜର ଫଟୋ ସେୟାର କରି ଅକ୍ଷୟଙ୍କ ଲୁକ ଆପଣାଇଛନ୍ତି ମିଲିନ୍ଦ ।