‘ବିଗ ବସ 14’ରେ ସାମିଲ ହେବେନି ଅଧ୍ୟୟନ

‘ବିଗ ବସ 14’କୁ ନେଇ ମୁହଁ ଖୋଲିଲେ ଅଭିନେତା ଶେଖର ସୁମନଙ୍କ ପୁଅ, ଅଭିନେତା ଅଧ୍ୟୟନ ସୁମନ। ସବୁ ଉଡା ଖବର ଉପରେ ଲଗାଇଲେ ଫୁଲଷ୍ଟପ...

ମୁମ୍ବାଇ: ଛୋଟ ପରଦାର ରିୟାଲିଟି ଶୋ ‘ବିଗ ବସ 14’ ଦୀର୍ଘ ସମୟରୁ ଚର୍ଚ୍ଚାରେ। ନିକଟରେ ଶୁଣିବାକୁ ମିଳିଥିଲା ଏହା ଉପରେ କାମ ମଧ୍ୟ ଆରମ୍ଭ କରିଦେଇଛନ୍ତି ମେକର୍ସ । ଖାଲି ଏତିକି ନୁହେଁ ଏମାସରେ ଶୋ ଟେଲିକାଷ୍ଟ ହେବାର ଚର୍ଚ୍ଚା ଜୋର ଧରିଥିଲା। ସେହିପରି କିଛି ଦିନରୁ ଏହା ଶୁଣିବାକୁ ମିଳୁଥିଲା ଯେ ଅଭିନେତା ଅଧ୍ୟୟନ ସୁମନ ବିଗ ବସରେ ପ୍ରତିଯୋଗୀ ରୂପେ ନଜର ଆସିବେ । ଏହି ମାମଲା ଉପରେ ଏବେ ବୟାନ ଦେଇ ଚର୍ଚ୍ଚାରେ ସେ।

ସେ ଟ୍ବିଟ କରି ଲେଖିଛନ୍ତି, ‘ବିଗ ବସ 14ରେ ମୋର ଯିବା ଖବର ଏକଦମ ମିଛ । ଥ୍ୟାଙ୍କ୍ସ କିନ୍ତୁ ନୋ ଥ୍ୟାଙ୍କ୍ସ । ବିଗ ବସ ଓ କଲର୍ସ ଟିଭି ଦୟା କରି ଏହି ଖବରକୁ କ୍ଲିୟର କରନ୍ତୁ।’

ସେପଟେ ତାଙ୍କ ଏହି ପ୍ରତିକ୍ରିୟାରେ ଫ୍ୟାନ୍ସଙ୍କ କମେଣ୍ଟ ଦେବାରେ ଲାଗିଛନ୍ତି। କିଛି ଫ୍ୟାନ୍ସ ଚାହୁଁଛନ୍ତି ସେ ଏହି ଶୋର ପ୍ରତିଯୋଗୀ ସାଜନ୍ତୁ ହେଲେ ଆଉ କିଛି ତାଙ୍କୁ ଏଥିରେ ଭାଗ ନେବାକୁ ମନା ମଧ୍ୟ କରୁଛନ୍ତି।