ମୁମ୍ବାଇ: ଆକ୍ସନ ସୁପରଷ୍ଟାର ବିଦ୍ୟୁତ ଜମୱାଲ ଏବେ ଚର୍ଚ୍ଚାରେ । ସେ ଚାଇନାରେ ଦୁଇଟି ଆୱାର୍ଡ ଜିତି ନୂଆ ରେକର୍ଡ ସୃଷ୍ଟି କରିଛନ୍ତି । ତାଙ୍କୁ ତାଙ୍କର ଶେଷ ଫିଲ୍ମ ‘ଜଙ୍ଗଲୀ’ ପାଇଁ ଦୁଇଟି ଉଚ୍ଚ କୋଟିର ପୁରସ୍କାରରେ ପୁରସ୍କୃତ କରାଯାଇଛି । ବିଦ୍ୟୁତଙ୍କୁ ଚୀନରେ ପ୍ରତିଷ୍ଠିତ 5ତମ ଜ୍ୟାକି ଚାନ୍ ଆକ୍ସନ ଫିଲ୍ମ ୱିକରେ ସର୍ବଶ୍ରେଷ୍ଠ ଆକ୍ସନ ପାରିବାରିକ ଫିଲ୍ମ ପୁରସ୍କାର ପାଇଁ ସର୍ବଶ୍ରେଷ୍ଠ ଆକ୍ସନ ସିକ୍ବେନ୍ସ କୋରିଓଗ୍ରାଫର ଏବଂ ବିଶେଷ ଜୁରୀ ପୁରସ୍କାର ମିଳିଛି ।
ବିଦ୍ୟୁତ ଏହି ସପ୍ତାହରେ ଜ୍ୟାକି ଚାନ୍ ଇଣ୍ଟରନ୍ୟାସନାଲ ଫିଲ୍ମ ୱିକରେ ଯୋଗ ଦେବା ପାଇଁ ଚୀନରେ ପହଞ୍ଚିଥିଲେ । ଯେଉଁଠାରେ ଜଙ୍ଗଲ ପିକ୍ଚର୍ସର ଆକ୍ସନ ଆଡଭେଞ୍ଚର ଫିଲ୍ମ ‘ଜଙ୍ଗଲୀ’କୁ ବେଷ୍ଟ ଆକ୍ସନ ସିକ୍ବେନ୍ସ କୋରିଓଗ୍ରାଫର ଏବଂ ବେଷ୍ଟ ଆକ୍ସନ ଫ୍ୟାମିଲି ଫିଲ୍ମ ପାଇଁ ଦୁଇ ପୁରସ୍କାର ପ୍ରାପ୍ତ କରିଛି ।