ମୁମ୍ବାଇ: ଶେଷରେ ରିଲିଜ ହୋଇଯାଇଛି ଅଭିଷେକ ବଚ୍ଚନ ଓ ଇଲିୟାନ ଡିକ୍ରୁଜ ଫିଲ୍ମ ‘ଦ ବିଗ ବୁଲ’ର ଦମଦାର ଟ୍ରେଲର । ଆଉ ରିଲିଜ ହେବା ମାତ୍ରେ ସୋସିଆଲ ମିଡିଆରେ ଚହଳ ସୃଷ୍ଟି କରିଛି ଭିଡିଓ । ରିଲିଜର କିଛି ଘଣ୍ଟା ମଧ୍ୟରେ ଭିଡିଓକୁ ଏକ ହଜାରରୁ ଅଧିକ ଭ୍ୟୁ ମିଳିସାରିଲାଣି । ଏହି ଫିଲ୍ମରେ ଅଭିଷେକ ଓ ଇଲିୟାନଙ୍କ ବ୍ୟତୀତ ରାମ କପୁର, ସୌରଭ ଶୁକ୍ଲା, ନିକିତା ଦତ୍ତା ଭଳି କଳାକାରଙ୍କୁ ଦେଖିବାକୁ ମିଳିବ ।
ଅଜୟ ଦେବଗନଙ୍କ ପ୍ରଯୋଜିତ ଏହି କ୍ରାଇମ ଡ୍ରାମା ଫିଲ୍ମର କାହାଣୀ ଇଣ୍ଡିଆନ ଷ୍ଟକ ବ୍ରୋକର ହର୍ଷଦ ମେହତାଙ୍କ ଜୀବନ ଉପରେ ଆଧାରିତ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ କୁକି ଗୁଲାଟି ତୁଲାଇଥିବା ବେଳେ ଆନନ୍ଦ ପଣ୍ଡିତ ଓ ଅଜୟ ଫିଲ୍ମର ପ୍ରଯୋଜନା ମିଶି କରିଛନ୍ତି ।