ମୁମ୍ବାଇ: ବି-ଟାଉନର ଜୁନିୟର ବଚ୍ଚନ ଅଭିଷେକ ଓ ଇଲିୟାନା ଡିକ୍ରୁଜଙ୍କ ଫିଲ୍ମ ‘ଦ ବିଗ ବୁଲ’ ଏପ୍ରିଲ 8ରେ ଓଟିଟି ପ୍ଲାଟଫର୍ମରେ ରିଲିଜ ହେବାକୁ ପ୍ରସ୍ତୁତ । ଏହାପୂର୍ବରୁ ଅଭିନେତା ତଥା ଫିଲ୍ମର ପ୍ରଯୋଜକ ଅଜୟ ଦେବଗନ ସୋସିଆଲ ମିଡିଆରେ ଏକ ନୂଆ ଘୋଷଣା କରିଛନ୍ତି । ଆଉ ସୂଚନା ଦେଇଛନ୍ତି ଯେ ଶୁକ୍ରବାର ଫିଲ୍ମର ଦମଦାର ଟ୍ରେଲର ରିଲିଜ ହେବ ।
ସେ ଟ୍ବିଟରରେ ଫିଲ୍ମର ଏକ ଭିଡିଓ କ୍ଲିପ ସେୟାର କରି ଲେଖିଛନ୍ତି, ‘କଲ ସେ ବଡା ସୋଚ । ଦ ବିଗ ବୁଲ ଏପ୍ରିଲ 8ରେ ରିଲିଜ ହେବ । ହେଲେ ଆସନ୍ତା କାଲି ଆସିବ ଟ୍ରେଲର ।’
ସେପଟେ ଅମିତାଭ ବଚ୍ଚନ ମଧ୍ୟ ସୋସିଆଲ ମିଡିଆରେ ପୁଅ ଅଭିଷେକଙ୍କ ଏହି ଫିଲ୍ମ ପାଇଁ ଖୁସି ପ୍ରକାଶ କରିଛନ୍ତି । ସେ ଟ୍ବିଟରେ ଫିଲ୍ମର ପୋଷ୍ଟର ସେୟାର କରି ଫିଲ୍ମ ପାଇଁ ଶଭେଚ୍ଛା ଦେବାକୁ ଫ୍ୟାନ୍ସଙ୍କୁ କହିଛନ୍ତି ।
ପ୍ରକାଶ ଥାଉକି ପୂର୍ବରୁ ଫିଲ୍ମର ଟ୍ରେଲର ମାର୍ଚ୍ଚ 19ରେ ରିଲିଜ କରିବାକୁ ନିଷ୍ପତ୍ତି ନେଇଥିଲେ ମେକର୍ସ । ହେଲେ ଫ୍ୟାନ୍ସଙ୍କ ଉତ୍ସାହିତ ଦେଖି ନିର୍ଦ୍ଧାରିତ ତାରିଖ ପୂର୍ବରୁ ରିଲିଜ କରାଯିବ । କ୍ରାଇମ ଡ୍ରାମା ଫିଲ୍ମ ‘ଦ ବିଗ ବୁଲ’ର କାହାଣୀ ଇଣ୍ଡିଆନ ଷ୍ଟକ ବ୍ରୋକର ହର୍ଷଦ ମେହତାଙ୍କ କାହାଣୀକୁ ଉପରେ ଆଧାରିତ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ କୁକି ଗୁଲାଟି ତୁଲାଇଥିବା ବେଳେ ଆନନ୍ଦ ପଣ୍ଡିତ ଓ ଅଜୟ ଫିଲ୍ମର ପ୍ରଯୋଜନା କରିଛନ୍ତି।
