ଅକ୍ଟୋବରରେ ଅଭିଷେକଙ୍କ ‘ଦ ବିଗ୍ ବୁଲ’

ବର୍ତ୍ତମାନ ଅନେକ ପ୍ରୋଜେକ୍ଟରେ ବ୍ୟସ୍ତ ଅଛନ୍ତି ଅଭିଷେକ ବଚ୍ଚନ। ଅଜୟ ଦେବଗନଙ୍କ ପ୍ରଯୋଜିତ ଫିଲ୍ମ ‘ଦ ବିଗ ବୁଲ’ରେ ମୁଖ୍ୟ ଭୂମିକାରେ ନଜର ଆସିବେ ଅଭିଷେକ। ଘୋଷଣା ହେଲା ରିଲିଜ ତାରିଖ।

ମୁମ୍ବାଇ: ଖୁବଶୀଘ୍ର ଜୁନିୟର ବଚ୍ଚନ ଅଭିଷେକ ଖୁବଶୀଘ୍ର ଏକ ଦମଦାର କାହାଣୀ ନେଇ ପରଦାକୁ ଫେରିବେ। ସେ ନିଜର ଅପକମିଂ ଫିଲ୍ମ ‘ଦ ବିଗ ବୁଲ’କୁ ନେଇ ବର୍ତ୍ତମାନ ଚର୍ଚ୍ଚାରେ। ଇତିମଧ୍ୟରେ ଫିଲ୍ମର ନୂଆ ପୋଷ୍ଟର ଜାରି ହୋଇଯାଇଛି । ଏହାସହ ଫିଲ୍ମ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି ମେକର୍ସ । ଫିଲ୍ମକୁ ଆକ୍ଟୋବର 23ରେ ରିଲିଜ କରିବାର ନିଷ୍ପତ୍ତି ନେଇଛନ୍ତି ମେକର୍ସ।

ଫିଲ୍ମର ନୂଆ ପୋଷ୍ଟରେ ଅଭିଷେକଙ୍କ ଦମଦାର ଲୁକ୍‌ ଦେଖିବାକୁ ମିଳୁଛି । ଫ୍ୟାନ୍ସଙ୍କ ପାଇଁ ସେ ଇନଷ୍ଟାଗ୍ରାମରେ ଫିଲ୍ମର ନୂଆ ପୋଷ୍ଟର ସେୟାର କିରଛନ୍ତି। ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ନଜର ଆସିବେ ସେକ୍ସୀ ଅଭିନେତ୍ରୀ ଇଲିୟାନା ଡିକ୍ରୁଜ। ସେହିପରି ସୋହମ ଶାହ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ।

କ୍ରାଇମ ଡ୍ରାମା ଫିଲ୍ମ ‘ଦ ବିଗ ବୁଲ’ର କାହାଣୀ ଇଣ୍ଡିଆନ ଷ୍ଟକ ବ୍ରୋକର ହର୍ଷଦ ମେହତାଙ୍କ କାହାଣୀକୁ ଉପରେ ଆଧାରିତ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ କୁକି ଗୁଲାଟି ତୁଲାଇଥିବା ବେଳେ ଆନନ୍ଦ ପଣ୍ଡିତ ଓ ଅଜୟ ଦେବଗନ ଫିଲ୍ମର ପ୍ରଯୋଜନା କରିଛନ୍ତି।

ପ୍ରକାଶ ଥାଉକି ଏହି ଫିଲ୍ମ ବ୍ୟତୀତ ଅଭିଷେକ ଅଭିନେତା ରାଜକୁମାର ରାଓଙ୍କ ଆଗାମୀ ମଲ୍ଟି ଷ୍ଟାରର ଫିଲ୍ମ ‘ଲୁଡୋ’ରେ ନଜର ଆସିବେ। ଫିଲ୍ମରେ ଆଦିତ୍ୟ ରାୟ କପୁର, ପଙ୍କଜ ତ୍ରିପାଠୀ ଓ ଫାତିମା ସନା ସେଖ ଓ ସନୟା ମଲହୋତ୍ରାଙ୍କ ଭଳି କଳାକାର ମୁଖ୍ୟ ଭୂମିକାରେ ଦେଖାଯିବେ।