ମୁମ୍ବାଇ: ସବୁବେଳେ ଦମଦାର କଣ୍ଟେଣ୍ଟ ଆଣି ଦର୍ଶକଙ୍କୁ ସରପ୍ରାଇଜ କରୁଥିବା ଓଟିଟି ପ୍ଲାଟଫର୍ମ ନେଟଫ୍ଲିକ୍ସ ପୁଣିଥରେ ଚର୍ଚ୍ଚାରେ । ‘ସିରିୟସ ମ୍ୟାନ’ ପରେ ଏହି ପ୍ଲାଟଫର୍ମରେ ପୁଣି ଧମାଲ କରିବାକୁ ଯାଉଛି । ନିଜ ଟ୍ରାକ ରେକର୍ଡକୁ ବଜାଇ ରଖିବା ପାଇଁ ମଲ୍ଟି ଷ୍ଟାରର ଫିଲ୍ମ ‘ଲୁଡୋ’ ଖୁବଶୀଘ୍ର ରିଲିଜ କରିବି ନେଟଫ୍ଲିକ୍ସ । ଦୀପାବଳି ଅବସରରେ ଦର୍ଶକ ଅଭିଷେକ ବଚ୍ଚନ, ରାଜକୁମାର ରାଓ, ଆଦିତ୍ୟ ଚୋପ୍ରା, ସନୟା ମଲହୋତ୍ରା, ଫତିମା ସନା ସେଖ ଓ ପଙ୍କଜ ତ୍ରିପାଠୀଙ୍କ ଜବରଦସ୍ତ ଅଭିନୟ ‘ଲୁଡୋ’ରେ ଦେଖିବାକୁ ପାଇବେ ।
ଏହା ପୂର୍ବରୁ ଫିଲ୍ମର ଶାନଦାର ଟ୍ରେଲର ରିଲିଜ କରିଛନ୍ତି ମେକର୍ସ । ରିଲିଜ ହେବା ମାତ୍ରେ ଅନୁରାଗ ବାସୁଙ୍କ ‘ଲୁଡୋ’ ସୋସିଆଲ ମିଡିଆରେ ଟ୍ରେଣ୍ଡ କରୁଛି । ଅଢେଇ ମିନିଟର ଏହି ଟ୍ରେଲର ଦେଖି ହସିହସି ବେହାଲ ଦର୍ଶକ। ଫିଲ୍ମକୁ ବଟରଫ୍ଲାଇ ଇଫେକ୍ଟରୁ ନିଆଯାଇଛି ବୋଲି କୁହାଯାଉଛି । ଏହାର ଅର୍ଥ ହେଲା ଯେ ଫିଲ୍ମର ସବୁ ଭୂମିକା ପରସ୍ପର ସହ ଜଡିତ ।