ଆସୁଛି ପୋଲିସ... ଏହି ଦିନ ରିଲିଜ୍ ହେବ ‘ସୂର୍ଯ୍ୟବଂଶୀ’

ଆକ୍ସନ ଡ୍ରାମା ଫିଲ୍ମ ‘ସୂର୍ଯ୍ୟବଂଶୀ’କୁ ନେଇ ନୂଆ ଖବର । ଏପ୍ରିଲ 30 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ‘ସୂର୍ଯ୍ୟବଂଶୀ’ । ଅଧିକ ପଢନ୍ତୁ...

ମୁମ୍ବାଇ: ନିର୍ମାତା-ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ଜନ୍ମଦିନ ଅବସରରେ ଅଭିନେତା ଅକ୍ଷୟ କୁମାର ଏବଂ ରଣଭୀର ସିଂ ସେମାନଙ୍କ ଆକ୍ସନ୍ ଫିଲ୍ମ ‘ସୂର୍ଯ୍ୟବଂଶୀ’ ର ରିଲିଜ୍ ତାରିଖ ଘୋଷଣା କରିଛନ୍ତି।

ଅଭିନେତାମାନେ ସୋସିଆଲ ମିଡିଆ ମାଧ୍ୟମରେ କହିଛନ୍ତି ଯେ ଶେଟ୍ଟୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଏପ୍ରିଲ 30 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଅପେକ୍ଷା ଶେଷରେ ! ପୋଲିସ ଆସୁଛି ... ‘ସୂର୍ଯ୍ୟବଂଶୀ’ 30 ଏପ୍ରିଲ 2021 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।

ଶେଟ୍ଟୀଙ୍କ ଜନ୍ମଦିନରେ ଅକ୍ଷୟ ଏକ ସ୍ବତନ୍ତ୍ର ପୋଷ୍ଟ ମଧ୍ୟ ସେୟାର କରିଛନ୍ତି । ଅକ୍ଷୟ ସୂର୍ଯ୍ୟବଂଶୀ ସେଟରୁ ଉଭୟଙ୍କ ଫଟୋ ପୋଷ୍ଟ କରି ଲେଖିଛନ୍ତି, 'ରୋହିତଙ୍କ ସହ ମିଶିବା ବହୁତ ସହଜ ଥିଲା କାରଣ ଆମ ଦୁହିଁଙ୍କର ଗୋଟିଏ ଜିନିଷ ପ୍ରତି ଉତ୍ସାହ ଅଛି, ତାହା ହେଉଛି ଆକ୍ସନ! ଜନ୍ମଦିନର ଶୁଭେଚ୍ଛା ରୋହିତ ।

ପ୍ରକାଶ ଥାଉ ଯେ, ଏହି ଚଳଚ୍ଚିତ୍ରରେ ରଣଭୀର ସିଂ, ଅଜୟ ଦେବଗନ ଏବଂ କ୍ୟାଟ୍ରିନା କୈଫ ମଧ୍ୟ ଅଭିନୟ କରିଛନ୍ତି ।