ମୁମ୍ବାଇ: 'ମିର୍ଜାପୁର-୨'ର ଲଞ୍ଚ ପୂର୍ବରୁ ଏହି ଲୋକପ୍ରିୟ ସିରିଜର ପ୍ରଥମ ସିଜିନକୁ ମାଗଣାରେ ଦେଖିବାର ସୁଯୋଗ ମିଳିବ। 'ମିର୍ଜାପୁର'ର ଦ୍ବିତୀୟ ସିଜିନ ବର୍ତ୍ତମାନ ରିଲିଜ୍ ତାରିଖ ଆଡକୁ ଦ୍ରୁତ ଗତିରେ ଗତି କରୁଛି । ଏହିପରି ଶୋ ପ୍ରତି ଉତ୍ସାହ ଦିନକୁ ଦିନ ବଢୁଛି ।
ଏହି କାରଣରୁ ଆମାଜନ ପ୍ରାଇମ ଭିଡିଓର ଟିମ ସମସ୍ତ ପ୍ରଶଂସକଙ୍କୁ ପ୍ରଥମ ସିଜିନକୁ ମାଗଣାରେ ଦେଖିବାର ସୁଯୋଗ ଦେଇଛି ।
ଶୋ’ର ପ୍ରଥମ ସିଜନ୍ ପ୍ରାଇମ୍ ଭିଡିଓରେ ସଫଳତାର ସହିତ ଷ୍ଟ୍ରିମିଂ ପାଇଁ ଉପଲବ୍ଧ ଥିବାବେଳେ ଦ୍ବିତୀୟ ସିଜନ୍ ପାଇଁ ଦର୍ଶକଙ୍କୁ ଆଗ୍ରହୀ ରଖି ଆମାଜନ୍ ପ୍ରାଇମ୍ ଭିଡିଓ ଏହାର ପ୍ରଥମ ୟୁଟ୍ୟୁବ୍ ଚ୍ୟାନେଲରେ ପ୍ରଥମ ସିଜନ୍ ଅପଲୋଡ୍ କରିଛି ।
ଏହି ଶୋ 2018 ରେ ଆମାଜନ ପ୍ରାଇମ ଭିଡିଓରେ ପ୍ରିମିୟର୍ ହୋଇଥିଲା । ଏହାକୁ ଦର୍ଶକଙ୍କ ଠାରୁ ବହୁତ ଭଲ ପ୍ରଶଂସା ମିଳିଥିଲା ।
ଦର୍ଶକଙ୍କୁ ଆକର୍ଷିତ କରିଥିବା ଏହି ସିରିଜର ପ୍ରଥମ ସିଜନରେ ପଙ୍କଜ ତ୍ରିପାଠୀ, ଅଲି ଫଜଲ, ବିକ୍ରାନ୍ତ, ଶ୍ରୀୟା, ଶ୍ବେତା ତ୍ରିପାଠୀ, ରସିକା ଡୁଗଲ ଏବଂ କୁଲଭୂଷଣ ମୁଖ୍ୟ ଭୂମିକାରେ ଅଭିନୟ କରିଥିଲେ।
ଏହାର ଦ୍ବିତୀୟ ସିଜନରେ ସେମାନଙ୍କ ସହିତ ବିଜୟ ବର୍ମା, ପ୍ରିୟାଂସୁ , ଇଶା, ଅମିତ, ଅଞ୍ଜୁମ ଶର୍ମା ନଜର ଆସିବେ। ପ୍ରାୟ ଦୁଇ ବର୍ଷର ଦୀର୍ଘ ଅପେକ୍ଷା ପରେ ଆମାଜନ୍ ଅରଜିନାଲ ସିରିଜ୍ 'ମିର୍ଜାପୁର' ଏହାର ଦ୍ବିତୀୟ ସିଜନ୍ ସହିତ ଅକ୍ଟୋବର 23, 2020 ରେ ପ୍ରତ୍ୟାବର୍ତ୍ତନ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
