ଦୁଇ ବର୍ଷରେ ଫିଲ୍ମ ‘କେଶରୀ’, କିଛି ସ୍ପେଶାଲ ସେୟାର କଲେ ଅକ୍କୀ

ରବିବାର ଫିଲ୍ମ କେଶରୀ ରିଲିଜକୁ ଦୁଇ ବର୍ଷ ପୂରଣ ହୋଇଛି । ଏହି ଅବସରରେ ଫିଲ୍ମକୁ ନେଇ ମନ କଥା କହିଛନ୍ତି ଅକ୍ଷୟ । ଅଧିକ ପଢନ୍ତୁ...

ମୁମ୍ବାଇ: 2019 ମାର୍ଚ୍ଚ 21ରେ ରିଲିଜ ହୋଇଥିଲା ଖିଲାଡି ଅକ୍ଷୟ କୁମାରଙ୍କ ଚର୍ଚ୍ଚିତ ଫିଲ୍ମ ‘କେଶରୀ’ । ସେହିପରି ରବିବାର ଫିଲ୍ମ ରିଲିଜକୁ ଦୁଇ ବର୍ଷ ପୂରଣ ହୋଇଛି । ଏହି ଅବସରରେ ଅକ୍ଷୟ ସୋସିଆଲ ମିଡିଆରେ ଫିଲ୍ମ ସହ ସମ୍ପୃକ୍ତ ଏକ ପୋଷ୍ଟ କରିଛନ୍ତି । ଏହାସହ ସେ ଜଣାଇଛନ୍ତି ଯେ ଫିଲ୍ମର ଗୋଟିଏ ଡାଇଲଗ ତାଙ୍କୁ ଫିଲ୍ମରେ କାମ କରିବାକୁ ବାଧ୍ୟ କରିଥିଲା ।

ସେହିପରି ସେ ଟ୍ବିଟରେ ଲେଖିଛନ୍ତି, ‘10 ହଜାର ଆକ୍ରମଣକାରୀଙ୍କ ବିରୋଧରେ 21 ଶିଖ୍। ଏହି ଫିଲ୍ମରେ ଅଭିନୟ କରିବା ପାଇଁ ଏହି ଲାଇନ ମୋ ପାଇଁ ଅଧିକ ଥିଲା । ଯାହା ମୋ ପାଇଁ ସମ୍ମାନର କଥା ମଧ୍ୟ ।’

ପ୍ରକାଶ ଥାଉକି ଅକ୍ଷୟଙ୍କ ଫିଲ୍ମ ‘କେଶରୀ’ ଏକ ବାସ୍ତବ ଘଟଣାକୁ ନେଇ ଆଧାରିତ । ଏହି ଫିଲ୍ମରେ 21 ଶିଖଙ୍କ ବୀରତ୍ବର କାହାଣୀ ପ୍ରଦର୍ଶିତ ହୋଇଥିଲା, ଯେଉଁଥିରେ 10 ହଜାର ଆଫଗାନିସ୍ତାନ ସୈନିକଙ୍କୁ ସାମ୍ନା କରିଥିଲେ 21 ଜଣ ଶିଖ୍ । ଏହି ଫିଲ୍ମରେ ଅକ୍ଷୟ ହାବିଲଦାର ଈଶ୍ବର ସିଂ ଭୂମିକାରେ ଅଭିନୟ କରିଥିଲେ। ତାଙ୍କ ସହ ନଜର ଆସିଥିଲେ ପରିଣୀତି ଚୋପ୍ରା ।