ମୁମ୍ବାଇ: ସୁଶାନ୍ତ ମୃତ୍ୟୁ ମାମଲାରେ ଟ୍ବିଷ୍ଟ ବଢିଚାଲିଛି। ତେବେ ଏହି ଦିବଙ୍ଗତ ବଲିଉଡ୍ ଷ୍ଟାରଙ୍କ ମୃତ୍ୟୁ ସହ ଡ୍ରଗ୍ସ ଲିଙ୍କକୁ ନେଇ ଚର୍ଚ୍ଚା ଖୁବ୍ ଜୋର ଧରିଛି। ଏହାକୁ ନେଇ ଖୋଳତାଡ ଚାଲିଥିବା ବେଳେ ଏକ ପ୍ରମୁଖ ସଫଳତାରେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) 24 ଘଣ୍ଟା ତଳେ ଅଭିନେତ୍ରୀ ରିୟା ଚକ୍ରବର୍ତ୍ତୀ ଡ୍ରଗ୍ ଷଡଯନ୍ତ୍ର ମାମଲାରେ ଦୁଇ ଜଣଙ୍କୁ ଗିରଫ କରିଛି।
ଗିରଫ ବ୍ୟକ୍ତି ଦୁଇ ଜଣ ହେଲେ ଅବଦୁଲ ବାସିତ ପରିହାର ଓ ଜୈଦ୍ ଭିଲିଟ୍ରା। ଏମାନଙ୍କୁ ମୁମ୍ବାଇରୁ ଗିରଫ କରାଯାଇଛି। ବର୍ତ୍ତମାନ ସ୍ଥିତିରେ ଏନସିବି ମୁମ୍ବାଇର ଏକାଧିକ ସ୍ଥାନରେ ଚଢାଉ ମଧ୍ୟ କରୁଛି । ତେବେ ଅଭିଯୋଗ ଅନୁସାରେ ରିୟାଙ୍କ ଭାଇ ସୌଭିକଙ୍କ ନିର୍ଦ୍ଦେଶରେ ସୁଶାନ୍ତଙ୍କ ଘରକୁ ମ୍ୟାନେଜର ସାମୁଏଲ ମିରାଣ୍ଡା ଏମାନଙ୍କ ପାଖରୁ ଡ୍ରଗ୍ସ ଆଣୁଥିରେ। ଇଡିର ଜେରା ବେଳେ ଗିରଫ ଦୁଇଜଣ ବ୍ୟକ୍ତି ପ୍ରକାଶ କରିଛନ୍ତି ।