ୱାଶିଂଟନ: ଏଣିକି ଦୁଇଟି ଆଣ୍ଡ୍ରଏଡ ଫୋନରେ ଗୋଟିଏ ନମ୍ବରର ହ୍ବାଟ୍ସଆପ୍ ବ୍ୟବହାର କରିପାରିବେ ୟୁଜର୍ସ(Now users can use WhatsApp on two Android phones) । ଇନଷ୍ଟାଣ୍ଟ ମେସେଜିଂ ଏବଂ ଭଏସ୍-ଓଭର-ଆଇପି ସେବା ହ୍ବାଟ୍ସଆପ୍ ବର୍ତ୍ତମାନ ଏହାର ବିଟା ବ୍ୟବହାରକାରୀଙ୍କୁ ସେମାନଙ୍କ ଆକାଉଣ୍ଟକୁ ଏକ ସେକେଣ୍ଡାରୀ ଫୋନ୍ ଏବଂ ଆଣ୍ଡ୍ରଏଡ୍ ଟ୍ୟାବଲେଟ୍ ସହିତ ଲିଙ୍କ୍ କରିବାକୁ ଅନୁମତି ଦେବ ।
GSM Arena(ଏକ ଅନଲାଇନ୍ ୱେବସାଇଟ୍, ଯାହା ବିସ୍ତୃତ ଏବଂ ଅତ୍ୟାଧୁନିକ ମୋବାଇଲ୍ ଫୋନ୍ ସୂଚନା ପ୍ରଦାନ କରେ) ଅନୁଯାୟୀ, ଆଣ୍ଡ୍ରଏଡ୍ ପାଇଁ ସର୍ବଶେଷ ହ୍ବାଟ୍ସଆପ୍ ବିଟା ଭର୍ସନ 2.22.24.18 ବ୍ୟବହାରକାରୀଙ୍କ ପାଇଁ ଏହି ସୁବିଧା ଉପଲବ୍ଧ ହେବ । ହ୍ବାଟ୍ସଆପ୍ ଉପଭୋକ୍ତାମାନଙ୍କୁ 4ଟି ଆଣ୍ଡ୍ରଏଡ୍ ଫୋନ୍ ସହିତ ସେମାନଙ୍କର ପ୍ରାଥମିକ ଆକାଉଣ୍ଟକୁ ଲିଙ୍କ୍ କରିବାକୁ ଦେବ ଏବଂ ସେମାନେ ସମସ୍ତ ନିୟମିତ ହ୍ବାଟ୍ସଆପ୍ ଫିଚର୍ସ ଏବଂ ମେସେଜ୍ ଏନକ୍ରିପସନ୍ ଆକ୍ସେସ୍ ପାଇବେ । ବିଟା ଉପଭୋକ୍ତାମାନେ ପଞ୍ଜୀକରଣ ସ୍କ୍ରିନରେ ଥିବା ବିକଳ୍ପ ମେନୁକୁ ଯାଇ ଡ୍ରପଡାଉନ୍ ମେନୁରୁ 'Link a device' ଚୟନ କରି କମ୍ପାନିୟନ୍ ମୋଡ୍ ସକ୍ରିୟ କରିପାରିବେ ବୋଲି ଜିଏସ୍ଏମ୍ ଆରେନା ରିପୋର୍ଟ କରିଛି ।