ନୂଆଦିଲ୍ଲୀ: ଭିନ୍ନକ୍ଷମଙ୍କୁ କର୍ମରେ ନିୟୋଜିତ ବା ଆତ୍ମନିର୍ଭରଶୀଳ କରିବ ମାକ୍ରୋସଫ୍ଟ(Microsoft) । କମ୍ପାନୀ ମଙ୍ଗଳବାର(ଅଗଷ୍ଟ 23) ଅଣ-ଲାଭ(non-profit) ସଂଗଠନ EnAble India ସହଭାଗୀତାରେ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି(Microsoft partners EnAble India), ଯେଉଁଥିରେ 100ରୁ ଅଧିକ ଫାଇନାନ୍ସିଆଲ ସଂସ୍ଥା, ମାନୁଫାକ୍ଚରିଂ, ରିଟେଲର ଏବଂ ଟେକନିକାଲ ସେକ୍ଟରରେ ଭିନ୍ନକ୍ଷମ ବ୍ୟକ୍ତିମାନେ କାମ କରିପାରିବାର ସୁଯୋଗ ପାଇବେ । ଏହି ଇନିସିଏଟିଭର ନାମ '‘Inclusion to Action'' ରଖାଯାଇଛି ।
ମାଇକ୍ରୋସଫ୍ଟ ଇଣ୍ଡିଆର ସଭାପତି ଅନନ୍ତ ମହେଶ୍ୱରୀ କହିଛନ୍ତି ଯେ, ଏହି ସହଯୋଗ ଶିଳ୍ପ, ଆଡଭୋକେଟ୍, ବିଶେଷଜ୍ଞ, ନୀତି ନିର୍ଣ୍ଣୟକାରୀ ଏବଂ ଭିନ୍ନକ୍ଷମ ସମ୍ପ୍ରଦାୟର ଏକାଧିକ ହିତାଧିକାରୀଙ୍କ ସହ ଜଡିତ ହେବା ପାଇଁ ଏକ ନିରନ୍ତର ପ୍ରୟାସର ଆରମ୍ଭ । ବୈଷୟିକ ସ୍କିଲିଂ ପ୍ରୋଗ୍ରାମଗୁଡିକ ଡିଜିଟାଲ୍ ଆକ୍ସେସିବିଲିଟିର ବୁଝାମଣାକୁ ବଢାଇବା ପାଇଁ ଡିଜାଇନ୍ କରାଯାଇଛି, ଯାହା ଏକ ସାଂସ୍କୃତିକ ପରିବର୍ତ୍ତନ ସୃଷ୍ଟି କରିପାରିବ କାରଣ ସଂଗଠନଗୁଡ଼ିକ ସେମାନଙ୍କ ହାଇବ୍ରିଡ୍ କାର୍ଯ୍ୟ କୌଶଳ ଗଠନ କରୁଛନ୍ତି ।