ହାଇଦ୍ରାବାଦ:ଅପେକ୍ଷାର ଅନ୍ତ ଘଟିଛି । ଆଜି ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ଲଞ୍ଚ କରିବାକୁ ଯାଉଛି ସିଙ୍ଗାପୁରର 7ଟି ସାଟେଲାଇଟ । ହେଲେ ସବୁଠୁ ଖାସ୍ କଥା ହେଉଛି ଏହି ସାଟେଲାଇଟ ଗୁଡିକୁ PSLV ରକେଟରୁ ଲଞ୍ଚ କରାଯାଉଛି । ଏହା ଇସ୍ରୋର ସବୁଠାରୁ ବିଶ୍ବାସଯୋଗ୍ୟ ରକେଟ ଅଟେ ।
ଆଜି(ରବିବାର) ଶ୍ରୀହରିକୋଟାରୁ ଉତକ୍ଷେପଣ ହେବାକୁ ଥିବା ବେଳେ ଗତକାଲି (ଶନିବାର) ଠାରୁ ଆରମ୍ଭ ହୋଇଯାଇଛି କାଉଣ୍ଟଡାଉନ । ଏନେଇ ଇସ୍ରୋ ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି । ଆଜି ହେବାକୁ ଥିବା ରକେଟ ମିଶନ 2023ରେ ଇସ୍ରୋର ତୃତୀୟ ବ୍ୟବସାୟିକ ମିଶନ ହେବ । ଶନିବାର ସକାଳ ବା ଭୋର 5ଟା 1 ମିନିଟରୁ କାଉଣ୍ଟଡାଉନ ବା ଓଲଟା ଗଣତି ଆରମ୍ଭ ହୋଇଥିବା ନେଇ ଭାରତୀୟ ମହାକାଶ ଗବେଷଣା ସଂସ୍ଥା ବା ଇସ୍ରୋରର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
ଆଜି ଲଞ୍ଚ ହେବ ସିଙ୍ଗାପୁରର 7ଟା ସାଟେଲାଇଟ: PSLV ବ୍ୟବହାର କରି ସକାଳ 6.30ରେ ଏହି 7ଟି ସାଟେଲାଇଟକୁ ଉତକ୍ଷେପଣ କରାଯିବ । ଯଦି ଏହି ମିଶନ ସଫଳ ହୁଏ ତେବେ ତେବେ 1999 ପରଠାରୁ ଇସ୍ରୋ ଦ୍ବାରା 36 ଟି ଦେଶରୁ 431 ଟି ବିଦେଶୀ ଉପଗ୍ରହର ଉତକ୍ଷେପଣ ହେବ। ISRO ଚଳିତ ବର୍ଷ ଦୁଇଟି ସଫଳ କମର୍ସିଆଲ ସାଟେଲାଇଟ ଲଞ୍ଚ କରିଛି। ପ୍ରଥମେ ମାର୍ଚ୍ଚ ମାସରେ ୟୁକେ ସ୍ଥିତ ୱାନୱେବର 36 ଟି ଉପଗ୍ରହ ଏବଂ ଏପ୍ରିଲରେ PSLV ରକେଟ୍ ସହିତ ସିଙ୍ଗାପୁରର ଦୁଇଟି ଉପଗ୍ରହର ଦ୍ୱିତୀୟ ଉତକ୍ଷେପଣ କରିଥିଲା । ଅନ୍ତରୀକ୍ଷ ବିଭାଗର ବାଣିଜିକ ଶାଖା ନ୍ୟୁ ସ୍ପେସ୍ ଇଣ୍ଡିଆ ଲିମିଟେଡ୍ NSIL ସିଙ୍ଗାପୁରର ଉପଗ୍ରହ ଉତକ୍ଷେପଣ ପାଇଁ PSLV -C 56 ରକେଟର ବ୍ୟବହାର କରାଯିବ । ରବିବାର ଦିନ PSLV-C56 କୋଡର PALV ରକେଟ୍ ପ୍ରାୟ 360 କିଲୋଗ୍ରାମ ଓଜନ ବିଶିଷ୍ଟ ସିଙ୍ଗାପୁର ଉପଗ୍ରହକୁ ମହାକାଶକୁ ନେବାରେ ସାହାଯ୍ୟ କରିବ ।