ହାଇଦ୍ରାବାଦ:ଜାରି ରହିଛି ଗ୍ରୀଷ୍ମ ପ୍ରବାହ । ଏହାରି ଭିତରେ ମହିଳାମାନଙ୍କର ସବୁଠାରୁ ବଡ ସମସ୍ୟା ହେଉଛି ମୁହଁରେ ଛିଦ୍ର ବା ବ୍ରଣ । ବେଳେବେଳେ ମୁହଁରେ ଏମିତି କିଛି ହୋଇଥାଏ, ଏପିରିକି ତାହାକୁ ଚିହ୍ନିବା ମଧ୍ୟ କଷ୍ଟକର ହୋଇଥାଏ । ତେବେ ଏହାଠାରୁ ମୁକ୍ତି ପାଇବା ପାଇଁ ଆମେ ଅନେକ ପ୍ରକାର ଅନେକ ପ୍ରକାର ଘରୋଇ ଉପଚାର କରିଥାଉ । କିନ୍ତୁ ଏଥିରୁ ମୁକ୍ତି ମିଳିବା କଷ୍ଟକର ହୋଇଥାଏ । ବେଳେବେଳେ କିଛି ବୁଝିବା ଆଗରୁ ଏହା ବଡ ହୋଇ ସୌନ୍ଦର୍ଯ୍ୟ ଖରାପ ହେବାକୁ ଲାଗିଥାଏ । ତେବେ ଏଣିକି ଆଉ ଚିନ୍ତା କରିବାର ଆବଶ୍ୟକତା ନାହିଁ । ଏଣିକି ସ୍କିନକୁ ନେଇ ସୂଚନା ଦେବ ଗୁଗଲ ଲେନ୍ସ । ବର୍ତ୍ତମାନ ଗୁଗୁଲ୍ ଲେନ୍ସ ତୁମ ଚର୍ମ ସହିତ ଜଡିତ ସମସ୍ତ ଅବସ୍ଥା ବିଷୟରେ ସୂଚନା ଦେବ । ଏହାସହ ଡାକ୍ତରଙ୍କ ପାଖକୁ ଯିବା ଉଚିତ କି ନୁହେଁ ସେ ବିଷୟରେ ମଧ୍ୟ ସୂଚନା ଦେବ ।
ଚେହେରା, ହାତ, ପାଦ କିମ୍ବା ଶରୀରର କୌଣସି ଅଙ୍ଗରେ ଚର୍ମ ସମସ୍ୟା ଦେଖାଯାଏ, ତେବେ ବର୍ତ୍ତମାନ ଗୁଗୁଲ୍ ଲେନ୍ସ ସାହାଯ୍ୟରେ ଆପଣ ଏହା ଜାଣିପାରିବେ, ଏହା କ’ଣ ଏବଂ କେଉଁ ଚିକିତ୍ସା ଦ୍ବାରା ଏହା ଠିକ ହୋଇପାରିବ । ଚର୍ମର ଅବସ୍ଥା ଅନୁଯାୟୀ ଗୁଗୁଲ୍ ଲେନ୍ସ ଆପଣଙ୍କୁ ସୂଚନା ଦେବ ଏବଂ ଏହି ଉପାୟରେ ଆପଣ ଡାକ୍ତରଙ୍କ ପାଖକୁ ଯିବାର ସମୟ ମଧ୍ୟ ଜାଣିପାରିବେ । ଏହାର ଅର୍ଥ ଗୁଗଲ ସ୍କାନ ଚର୍ମର ଅବସ୍ଥାକୁ ଜାଣିବା ସହ ଡାକ୍ତରଙ୍କ ପାଖକୁ ଯିବା ଉଚିତ କି ନୁହେଁ ସେ ବିଷୟରେ ସୂଚନା ଦେବ ।