ସାନ୍ ଫ୍ରାନ୍ସିସ୍କୋ : ଏଣିକି କୌଣସି ପ୍ରକାର ଅସୁରକ୍ଷିତ ଭର୍ଚୁଆଲ ପ୍ରାଇଭେଟ ନେଟୱର୍କ ବା ଭିପିଏନ (VPN) ବ୍ୟବହାରକୁ ରହିବନି ଡର । ବ୍ୟକ୍ତିଗତ ଡାଟା ହ୍ୟାକ ହେବାର ଆଶଙ୍କାରୁ ମିଳିବ ମୁକ୍ତି ଏବଂ ସୁରକ୍ଷିତ ଓ ଭରସାଯୋଗ୍ୟ ଭର୍ଚୁଆଲ ପ୍ରାଇଭେଟ ନେଟୱର୍କ (ଭିପିଏନ)କୁ ବ୍ୟବହାର କରିବା ହେବ ଅତି ସହଜ । ଗୁଗୁଲ ତରଫରୁ ଏହି ୟୁଜର ଫ୍ରେଣ୍ଡଲି ଉଦ୍ୟମ ଆରମ୍ଭ ହୋଇଛି । ଗୁଗୁଲ ନିଜ ପ୍ଲେ ଷ୍ଟୋରରେ ୟୁଜର୍ସଙ୍କୁ ସୁରକ୍ଷିତ ଏବଂ ଭରସାଯୋଗ୍ୟ ଭର୍ଚୁଆଲ ପ୍ରାଇଭେଟ ନେଟୱର୍କ (ଭିପିଏନ)କୁ ଚିହ୍ନିବାରେ ସାହାଯ୍ୟ କରିବା ପାଇଁ ଏକ ବ୍ୟାନର ଦେଖାଇବ ।
ଏହା ମଧ୍ୟ ପଢନ୍ତୁ ...ଗୁଗୁଲର ନୂଆ ଅଲଟିଟ୍ୟୁଡ୍ ଟୁଲ୍, ଆତଙ୍କବାଦ ସମ୍ପର୍କିତ ଗତିବିଧିକୁ କରିବ ଠାବ
ଗୁଗୁଲ କର୍ତ୍ତୃପକ୍ଷଙ୍କ ସୂଚନା ମୁତାବକ ଏହି ବ୍ୟାନର, ୟୁଜର୍ସଙ୍କୁ 'ସ୍ବତନ୍ତ୍ର ସୁରକ୍ଷା ସମୀକ୍ଷା' ରୂପକ ବ୍ୟାଜ୍ ସମ୍ପର୍କରେ ଜଣାଇବ ଏବଂ ସ୍ବତନ୍ତ୍ର ଭାବେ ଅଟିଡ୍ ହୋଇଥିବା ଆପ୍ଗୁଡିକ ସମ୍ପର୍କରେ ତଥ୍ୟ ପ୍ରଦାନ କରିବ । ୟୁଜର୍ସଙ୍କ ପାଇଁ କେଉଁ ଆପ୍ ଗୁଡିକ ସ୍ବତନ୍ତ୍ର ସୁରକ୍ଷା ସମୀକ୍ଷା ଦ୍ବାରା ପରୀକ୍ଷିତ ହୋଇଛି, ତାକୁ ବ୍ୟାନର ଦ୍ବାରା ଚିନ୍ହଟ କରିହେବ ଏବଂ ଏହାର ଆରମ୍ଭ ଭିପିଏନ୍ ଆପ୍ଲିକେସନରୁ ହେବାକୁ ଯାଉଛି । ଏହା ସହ ୟୁଜର୍ସଙ୍କ ପାଇଁ 'ଅଧିକ ଜାଣନ୍ତୁ' ର ଅପସନ ରହିଛି , ଯାହା ତାଙ୍କୁ ଆପ୍ ଭାଲିଡେସନ ଡାଇରେକ୍ଟରୀକୁ ନେଇଯିବ ।