ହାଇଦ୍ରାବାଦ:ଏଣିକି ଆଉ ହେବନି 'ଟାଇପିଂ ମିଷ୍ଟେକ୍'। ଗୁଗୁଲ ପକ୍ଷରୁ ରୋଲଆଉଟ ହେଲା ନୂଆ ଫିଚର । ବିରାମ ଚିହ୍ନ ସମେତ ସମସ୍ତ ବ୍ୟାକରଣଗତ ତ୍ରୁଟିକୁ ସୁଧାରିବ ଗୁଗୁଲ । ଗୁଗୁଲ ବିଟା ୟୁଜର୍ସଙ୍କ ପାଇଁ ଜିବୋର୍ଡରେ ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ସଞ୍ଚାଳିତ ପ୍ରୁଫ୍ ରିଡ୍ ଫିଚର ରୋଲ୍ଆଉଟ୍ କରିଛି । ଏନେଇ 9to5 Google ପକ୍ଷରୁ ସୂଚନା ଦିଆଯାଇଛି । ରିପୋର୍ଟ ଅନୁସାରେ, ଜିବୋର୍ଡ ଭର୍ଜନ 13.4ରେ କିବୋର୍ଡ ଟୁଲବାରରେ ପ୍ରୁଫରିଡ ଅପ୍ସନ ଦେଖାଯାଉଛି । ଯାହା ବର୍ତ୍ତମାନ ଆଣ୍ଡ୍ରୋଏଡ୍ ବିଟାରେ ଉପଲବ୍ଧ ରହିଛି । ତେବେ ଏହି ଫିଚର ଦ୍ବାରା ଗ୍ରାମାର ତ୍ରୁଟି ସୁଧାରିବା ପାଇଁ ଅପ୍ସନ ମିଳିଥାଏ । ଏହା ସମସ୍ତ ଜେନେରେଟିଭ୍ AI ଦ୍ୱାରା ଚାଳିତ ହେଉଥିବା ନେଇ ସୂଚନା ଦିଆଯାଇଛି ।
ଏହି ଫିଚର ପିକ୍ସେଲ ଫୋଲ୍ଡରେ ଗୁଗୁଲର ଜେନେରେଟିଭ୍ AI ସିମ୍ବଲ ସହିତ 'ଫିକ୍ସ ଇଟ୍' ଭାବେ ଦେଖାଯିବ । ଯଦି ଆପଣ ଏହି ଫିଚରକୁ ଏନାବେଲ କରୁଛନ୍ତି ତେବେ ଟେକ୍ସ ପ୍ରେସେସିଂ ପାଇଁ ଗୁଗଲକୁ ପଠାଯିବ । ରିପୋର୍ଟରେ କୁହାଯାଇଛି ଯେ, ଯେଉଁ ଟେକ୍ସଟକୁ ପ୍ରୁଫ୍ ରିଡ୍ କରାଯାଇଛି ତାହାକୁ ଗୁଗୁଲକୁ ପଠାଯିବ ଏହାପରେ ବ୍ୟାକାରଣ ତ୍ରୁଟି ପରୀକ୍ଷା କରିବା ପାଇଁ ପ୍ରୋସେସ୍ କରାଯିବ । ଏହାପରେ ୟୁଜର୍ସ ଭୁଲ ଲେଖିଥିବା ବ୍ୟାକାରଣର ତ୍ରୁଟିକୁ ଠିକ ଭାବେ ସୁଧରାଯାଇ ପାରିବ ।