ହାଇଦ୍ରାବାଦ:23 ଅଗଷ୍ଟ 2023। ଭାରତ ପାଇଁ ଥିଲା ଏକ ଐତିହାସିକ ଦିନ। ଚନ୍ଦ୍ରଯାନ-3 ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରି ଇତିହାସ ରଚିଛି। ତେବେ ଚନ୍ଦ୍ରଯାନ-3ର ଏହି ସଫଳତାକୁ ନେଇ ସାରା ଦେଶରେ ଖୁସିର ଲହରି ଖେଳିଯାଇଛି। ବିଶ୍ବର କୋଣଅନୁକୋଣରୁ ଇସ୍ରୋକୁ ଶୁଭେଚ୍ଛାର ସୁଅ ଛୁଟୁଛି। ଏହି ପରିପ୍ରେକ୍ଷୀରେ ସର୍ଚ୍ଚ ଇଞ୍ଜିନ୍ ଗୁଗୁଲ୍ ମଧ୍ୟ ଏକ ସ୍ୱତନ୍ତ୍ର ଡୁଡଲ୍ କରି ସେଲିବ୍ରେସନ କରୁଛି। ଏହାପୂର୍ବରୁ ଗୁଗୁଲର ସିଇଓ ସୁନ୍ଦର ପିଚାଇ ଟ୍ୱିଟ୍ କରି ଚନ୍ଦ୍ରାୟଣ 3 କୁ ସଫଳ ଅବତରଣ ପାଇଁ ଅଭିନନ୍ଦନ ଜଣାଇଛନ୍ତି।
ଭାରତର ଏହି ସଫଳତା ପାଇଁ ଗୁଗୁଲ ଏକ ବିଶେଷ ଢଙ୍ଗରେ ବଧାଇ ଜଣାଇଛି। ଗୁଗୁଲ ଚନ୍ଦ୍ରାୟନ-3ର ସଫଳତା ଉପରେ ଭାରତର ସଫଳତାକୁ ଏକ ଡୁଡଲ ତିଆରି କରି ସେଲିବ୍ରେସନ କରୁଛି। ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବାରେ ଭାରତ ବିଶ୍ୱର ପ୍ରଥମ ତଥା ଏକମାତ୍ର ଦେଶ ହୋଇପାରିଛି। ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-3 କିପରି ସଫଳତାର ସହ ଅବତରଣ କରିଛି ତାହା ଗୁଗୁଲର ଡୁଡଲ୍ ଦର୍ଶାଇଛି। ଏହାପରେ ରୋଭର ବାହାରି ଆସିବା ମଧ୍ୟ ଡୁଡୁଲରେ ଦର୍ଶାଯାଇଛି। ଅନ୍ୟପଟେ ଏହାକୁ ନେଇ ଚନ୍ଦ୍ର ମଧ୍ୟ ଖୁସି ଥିବା ଡୁଡୁଲରେ ଦର୍ଶାଯାଇଛି।
ଗୁଗୁଲ ପ୍ରତ୍ୟେକ ବିଶେଷ ଉତ୍ସବରେ ଡୁଡୁଲ୍ସ ତିଆରି କରେ। ଆଜି ଲ୍ୟାଣ୍ଡର ବିକ୍ରମରୁ ଅଲଗା ହୋଇଛି ରୋଭର ପ୍ରଜ୍ଞାନ ଏବଂ ଅଲଗା ହେବା ପରେ ଚନ୍ଦ୍ରରେ ପ୍ରଜ୍ଞାନ ବିଚରଣ କରୁଥିବା ନେଇ ଇସ୍ରୋ ପକ୍ଷରୁ ସୂଚନା ଦିଆଯାଇଛି।