ଗୁଗଲ କ୍ରୋମରେ ନୂଆ ଫିଚର, କୁକିଜକୁ ବ୍ଲକ କରିପାରିବେ ୟୁଜର୍ସ

Chrome Browser Update: ଯଦି ଆପଣ କ୍ରୋମ ବ୍ରାଉଜର ବ୍ୟବହାର କରୁଛନ୍ତି, ତାହେଲେ ଆପଣଙ୍କ ପାଇଁ ଖୁସି ଖବର। ଏଣିକି ବ୍ରାଉଜରରୁ ଚୋରି ହୋଇପାରିବନି ଡାଟା। କୁକିଜକୁ ବ୍ଲକ କରିବାର ଅପ୍ସନ ପ୍ରଦାନ କରିବାର ଫିଚର ପାଇଲେ ୟୁଜର୍ସ। ଅଧିକ ପଢନ୍ତୁ

ହାଇଦ୍ରାବାଦ:ଗୁଗୁଲ କ୍ରୋମ ଦୁନିଆର ସବୁଠାରୁ ଲୋକପ୍ରିୟ ଡେସ୍କ୍‌ଟପ୍‌ ହେଉଛି ବ୍ରାଉଜର । ତେବେ ଲକ୍ଷାଧିକ କ୍ରୋମ୍ ବ୍ରାଉଜର ବ୍ୟବହାରକାରୀଙ୍କ ତଥ୍ୟ ଚୋରି ହେଉଥିବା ନେଇ ଅନେକ ସମୟରେ ଖବର ସାମ୍ନାକୁ ଆସିଥାଏ । କିନ୍ତୁଏଣିକି ଗୁଗଲ କ୍ରୋମରେ କୌଣସି ଓ୍ବେବସାଇଟ ସର୍ଚ୍ଚ କରିବା ଦ୍ବାରା ହ୍ୟାକ ହେବନି ବ୍ୟକ୍ତିଗତ ଡାଟା । ଏହାକୁ ରୋକ ଲଗାଇବା ପାଇଁ କ୍ରୋମରେ ନୂଆ ଫିଚର ରୋଲଆଉଟ କରିଲା ଗୁଗଲ ।ଯେତେବେଳେ ଜଣେ ୟୁଜର୍ସ ଗୁଗଲ କିମ୍ବା ଗୁଗଲ କ୍ରୋମରେ କୌଣସି ଓ୍ବେବସାଇଟ ଖୋଲିଥାଆନ୍ତି ତାହେଲେ ଆକ୍ସେପ୍ଟ ଏଲ୍ କୁକିଜ(Accept All Cookies) ଅପ୍ସନ ଦେଖାଇଥାଏ । ଆକ୍ସେପ୍ଟ କରିବା ପରେ ଓ୍ବେବସାଇଟ ପକ୍ଷରୁ ଅନେକ ସୁବିଧା ପ୍ରଦାନ କରିଯିଆର ପ୍ରତିଜ୍ଞା କରାଯାଇଥାଏ । କିନ୍ତୁ ଏହାରୁ ଆକ୍ସେପ୍ଟ କରିବା ପରେ ଓ୍ବେବସାଇଟ ପକ୍ଷରୁ ସମସ୍ତ ବ୍ୟକ୍ତିଗତ ଡାଟାକୁ ଟ୍ରାକ କରାଯାଇଥାଏ ।

ଗୁଗଲ କ୍ରୋମର ନୂଆ ଫିଚର: ଟ୍ରାକ କରାଯାଇଥିବା ଡାଟାର ବ୍ୟବହାର ଦ୍ବାରା ୟୁଜର୍ସଙ୍କୁ ତାଙ୍କର ଆବଶ୍ୟକତା ଅନୁସାରେ ବିଜ୍ଞାପନ ଦେଖିବାରେ ବ୍ୟବହୃତ ହୋଇଥାଏ । ତେବେ ନୂଆବର୍ଷରେ ଅର୍ଥାତ 2024 ମସିହାରେ ଗୁଗଲ କୋଟି କୋଟି ୟୁଜର୍ସଙ୍କ ପାଇଁ ଏକ ନୂଆ ଫିଚର ରୋଲଆଉଟ କରିଛି । ଏଣିକି ଗୁଗଲ କ୍ରୋମରେ କୌଣସି ଓ୍ବେବସାଇଟ ବ୍ରାଉଜିଂ କରୁଥିବା ୟୁଜର୍ସଙ୍କ ତଥ୍ୟକୁ କେହି ଟ୍ରାକ କରିବାରେ ସମର୍ଥ ହେବେ ନାହିଁ ।

ଥାର୍ଡ ପାର୍ଟି କୁକିଜରେ କଣ ହୁଏ: ଗୁଗଲ ପକ୍ଷରୁ କ୍ରୋମ ବ୍ରାଉଜରରେ ଏକ ନୂଆ ଫିଚର ରୋଲଆଉଟ କରାଯାଇଛି । ଏହାର ସାହାଯ୍ୟରେ ୟୁଜର୍ସ ଥାର୍ଡ ପାର୍ଟି କୁକିଜକୁ ଡିସେବଲ୍ କରିବାରେ ସମର୍ଥ ହୋଇପାରିବେ । ଏହି ଓ୍ବେବ କୁକିଜ ଅତ୍ୟନ୍ତ ଛୋଟ ଫାଇଲ ହୋଇଥାଏ । ଯାହା କୌଣସି ଓ୍ବେବସାଇଟକୁ ଖୋଲିବା ମାତ୍ରେ ୟୁଜର୍ସଙ୍କ ଫୋନରେ ସେଭ ହୋଇଯାଇଥାଏ । ଯଦି ଜଣେ ୟୁଜର୍ସ ଏକ ବିଷୟକୁ କ୍ରୋମରେ ସର୍ଚ୍ଚ କରିଥାଏ, ତାହେଲେ ତାହା ସହିତ ଜଡିତ ସମସ୍ତ ବିଜ୍ଞାପନ ଦେଖାଯାଇଥାଏ । ଏହା ଅନେକ ଉପଭୋକ୍ତାକୁ ସମସ୍ୟା ସୃଷ୍ଟି କରିଥାଏ ।

ସମସ୍ତ ୟୁଜର୍ସ ପାଇବେ ଏହି ଫିଚରର ସୁବିଧା: ଗୁଗଲ ବର୍ତ୍ତମାନ କ୍ରୋମ ବ୍ରାଉଜରରେ ଏହି ପରିବର୍ତ୍ତନ କେବଳେ ସୀମିତ ୟୁଜର୍ସଙ୍କ ପାଇଁ ରୋଲଆଉଟ କରିଛି । ଗୁଗଲ ବର୍ତ୍ତମାନ ଏହି ଫିଚର ଟେଷ୍ଟିଂ ଷ୍ଟେଜରେ ରଖିଛି । କିଛି ମାସ ମଧ୍ୟରେ ଏହା ସମସ୍ତ ୟୁଜର୍ସଙ୍କ ପାଇଁ ରୋଲଆଉଟ ହୋଇପାରିବ ବୋଲି କୁହାଯାଇଛି ।