ହାଇଦ୍ରାବାଦ:କ୍ୟାଲେଣ୍ଡରରୁ ବିଦାୟ ନେଇଛି 2024 । ନୂଆ ସୂର୍ଯ୍ୟୋଦୟ ସହିତ ବିଶ୍ବବାସୀ ନୂଆ ବର୍ଷକୁ ସ୍ବାଗତ ଜଣାଇଛନ୍ତି । ନୂଆ ଆଶା ଏବଂ ସମ୍ଭାବନାକୁ ନେଇ ପାଦ ଥାପିଛି ବର୍ଷ 2024 । ବିଶ୍ବବାସୀ ନିଜ ନିଜ ଶୈଳୀରେ ନୂଆ ବର୍ଷକୁ ସ୍ବାଗତ କରିଛନ୍ତି । ଏହି କ୍ରମରେ ଗୁଗଲ ମଧ୍ୟ ସ୍ସେସାଲ ଡୁଡଲ କରି ନୂଆ ବର୍ଷକୁ ସ୍ବାଗତ ଜଣାଇଛି । 2024 ନୂଆ ବର୍ଷ ପାଇଁ ଆଜି ଏକ ସ୍ବତନ୍ତ୍ର ଡୁଡଲ ତିଆରି କରିଛି ଗୁଗଲ । ଏହା ପୂର୍ବରୁ କାଉଣ୍ଟଡାଉନ ସମୟରେ ମଧ୍ୟ ଏକ ଡୁଡଲ୍ ତିଆରି କରି ବର୍ଷ 2023କୁ ବିଦାୟୀ ଦେଇଥିଲା ଗୁଗଲ ।
ଆଜି 2024 ମସିହାର ପ୍ରଥମ ଦିନ । ଏନେଇ ସାରା ବିଶ୍ବ ଉତ୍ସର ମୁଖର । କିଏ ପୂଜା ପାଠ କରୁଛି ତ ଆଉ ଏକ ପାର୍ଟି କରି ନୂଆ ବର୍ଷକୁ ସ୍ବାଗତ ଜଣାଇଛି । ଗୀତ ଗାଇ, ନାଚି ଓ ବାଣ ଫୁଟାଇ ନୂତନ ବର୍ଷକୁ ସ୍ବାଗତ କରାଯାଇଛି । ପରସ୍ପରକୁ ହାପି ନ୍ୟୁ' ଇୟର କହି ନୂଆବର୍ଷର ଶୁଭେଚ୍ଛା ଜଣାଉଛନ୍ତି ସମସ୍ତେ । ଆଜିର ଦିନରେ ସର୍ଚ୍ଚ୍ ଇଞ୍ଜିନ ଗୁଗଲ ମଧ୍ୟ ଏକ ଡୁଡଲ୍ ତିଆରି କରିଛି । ଯାହାକି ଗୁଗଲର ହୋମପେଜରେ ଦୃଶ୍ୟମାନ ହେଉଛି। ଏହା ଗୁଗଲର ଓ୍ବେବ ହୋମପେଜ ଏବଂ ମୋବାଇଲ ହୋମପେଜରେ ଦୃଶ୍ୟମାନ ହେଉଛି। ଆପ ଖୋଲିବା ମାତ୍ରେ ଡୁଡଲ ଦେଖାଯିବା ସହିତ ସମସ୍ତଙ୍କୁ ଶୁଭେଚ୍ଛା ମଧ୍ୟ ଜଣାଇଛି ଗୁଗଲ।
ଏହା ମଧ୍ୟ ପଢନ୍ତୁ: ଇସ୍ରୋର ଐତିହାସିକ ମିଶନ, ଉତକ୍ଷେପଣ ହେଲା ଏକ୍ସପୋସାଟ୍ ସାଟେଲାଇଟ୍