ହାଇଦ୍ରାବାଦ: ଏଲନ ମସ୍କଙ୍କ ଏକ୍ସକୁ ନେଇ ଆସିଲା ଆଉ ଏକ ଅପଡେଟ । ଏଣିକି ନିଜ ପୋଷ୍ଟକୁ ହାଇଲାଇଟ କରିପାରିବେ ୟୁଜର୍ସ । ପେଡ ୟୁଜର୍ସମାନେ ହାଇଲାଇଟ୍ ଟ୍ୟାବ୍ ମାଧ୍ୟମରେ ସେମାନଙ୍କର କିଛି ପୋଷ୍ଟକୁ ହାଇଲାଇଟ୍ କରିବାର ସୁବିଧା ପାଇବେ । ଏନେଇ ଏକ ରିପୋର୍ଟରେ କୁହାଯାଇଛି । ମାଇକ୍ରୋବ୍ଲଗିଂ ପ୍ଲାଟଫର୍ମ ହାଇଲାଟ ଫିଚର ବିଷୟରେ 'ଆବାଉଟ ଏକ୍ସ ପ୍ରିମିୟମ' ପେଜରେ ଅପଡେଟ କରିଥିବା ସୂଚନା ମିଳିଛି । ଫିଚର ଡେସକ୍ରିପ୍ସନରେ କୁହାଯାଇଛି ଯେ, "ନିଜର ବେଷ୍ଟ ଫଟୋକୁ ହାଇଲାଇଟ କରିପାରିବେ । ଏହା ଦ୍ବାରା ଆକାଉଣ୍ଟ ମଧ୍ୟ ଉନ୍ନତ ଭଳି ଦେଖାଯିବ ।"
ଗତ କିଛି ଦିନ ହେବ X କିଛି ସ୍ବତନ୍ତ୍ର ୟୁଜର୍ସଙ୍କ ପାଇଁ ଏକ ନୂତନ 'ହାଇଲାଇଟ୍' ଟ୍ୟାବ୍ ରୋଲଆଉଟ କରୁଥିଲା । ତେବେ ଏହି ଫିଚର ବର୍ତ୍ତମାନ ସମସ୍ତ ପେଡ ୟୁଜର୍ସଙ୍କ ପାଇଁ ଉପଲବ୍ଧ ହୋଇଛି । କହିରଖୁଛୁ କି, ଏକ୍ସ ସମସ୍ତ ୟୁଜର୍ସଙ୍କୁ ଏକ ଲାଟେଷ୍ଟ ପୋଷ୍ଟକୁ ହାଇଲାଇଟ କରିବାର ସୁବିଧା ପ୍ରଦାନ କରିଛି । ଏହା ଦ୍ବାରା ୟୁଜର୍ସ ଏକ ପୋଷ୍ଟକୁ ପିନ କରି ହାଇଲାଇଟ କରିପାରୁଥିଲେ । କିନ୍ତୁ ପିନ କରିବା ପାଇଁ ଗୋଟିଏ ପୋଷ୍ଟକୁ ହିଁ ସୁବିଧା ମିଳିପାରୁଥିଲା । କିନ୍ତୁ ଏଥିରେ ଏବେ ପରିବର୍ତ୍ତନ କରିଛି ଏକ୍ସ । ନିଜ ପେଡ ୟୁଜର୍ସଙ୍କ ପାଇଁ ହାଇଲାଇଟ ଟ୍ୟାବ ଫିଚର ପ୍ରଦାନ କରିଛି । ଏହି ଟ୍ୟାବରେ ନିଜ ଅନୁସାରୋ ପୋଷ୍ଟକୁ ହାଇଲାଇଟ କରିପାରିବେ ୟୁଜର୍ସ । ରିପୋର୍ଟରେ ଦର୍ଶାଯାଇଛି ଯେ ହାଇଲାଇଟ୍ ଟ୍ୟାବ୍ ଜଣେ କଳାକାରଙ୍କ କାର୍ଯ୍ୟକୁ ହାଇଲାଇଟ୍ କରିବା ପାଇଁ କିମ୍ବା ଜଣେ ଲେଖକଙ୍କ ପାଇଁ ସେମାନଙ୍କର ବହୁ ଲୋକପ୍ରିୟ ପ୍ରବନ୍ଧକୁ ହାଇଲାଇଟ୍ କରିବା ପାଇଁ ଉପଯୋଗୀ ହୋଇପାରେ ।