ସାନ ଫ୍ରାନ୍ସିସ୍କୋ (ଯୁକ୍ତରାଷ୍ଟ୍ର ଆମେରିକା):ସାମ ଆଲ୍ଟମ୍ୟାନଙ୍କ ବିଷୟରେ OpenAI (ଓପନଏଆଇ) ଏକ ନୂଆ ଅପଡେଟ ସେୟାର କରିଛି । କମ୍ପାନୀ ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରେ ଲାଟେଷ୍ଟ ପୋଷ୍ଟ ସହ ଅଲ୍ଟମ୍ୟାନଙ୍କ କମ୍ପାନୀକୁ ପ୍ରତ୍ୟାବର୍ତ୍ତନ ନେଇ ଘୋଷଣା କରିଛି । ସେ ସୂଚନା ଦେଇ କହିଛନ୍ତି, ଅଲ୍ଟମ୍ୟାନ ସିଇଓ ଭାବେ ପୁଣି ଫେରୁଛନ୍ତି । ସେପଟେ ପୁଣି କମ୍ପାନୀକୁ ଫେରିବା ନେଇ ଖୁସି ଜାହିର କରିଛନ୍ତି ଅଲ୍ଟମ୍ୟାନ ।
ଏକ୍ସର ଲାଟେଷ୍ଟ ପୋଷ୍ଟରେ OpenAI (ଓପନଏଆଇ) କହିଛନ୍ତି ଯେ ନୂତନ ବୋର୍ଡ ସହ ସାମ ଅଲ୍ଟମ୍ୟାନ କମ୍ପାନୀରେ ସିଇଓ ଭାବେ ପୁଣି କମ୍ପାନୀକୁ ଫେରୁଛନ୍ତି । ନୂତନ ପ୍ରାରମ୍ଭିକ ବୋର୍ଡ ସହ ସିଇଓ ଭାବରେ ଓପନଏଆଇକୁ ଫେରିବା ପାଇଁ ଆମେ ଏକ ଚୁକ୍ତି କରିଛୁ । ନୂତନ ବୋର୍ଡ ସଦସ୍ୟମାନଙ୍କ ମଧ୍ୟରେ ବ୍ରେଟ ଟେଲର Bret Taylor (ଚେୟାର), Larry Summers ଲ୍ୟାରି ସମର୍ସ ଏବଂ Adam D'Angelo ଆଦମ ଡି’ଆଙ୍ଗେଲୋ ରହିଛନ୍ତି । ସବିଶେଷ ତଥ୍ୟ ଜାଣିବା ପାଇଁ ଆମେ ସହଯୋଗ କରୁଛୁ । ଏହା ମାଧ୍ୟମରେ ଆପଣଙ୍କର ଧୈର୍ଯ୍ୟ ପାଇଁ ବହୁତ ଧନ୍ୟବାଦ ।
କେବଳ ସାମ୍ ଅଲ୍ଟମ୍ୟାନ୍ ନୁହଁନ୍ତି ଗ୍ରେଗ ବ୍ରୋକମ୍ୟାନ୍ ମଧ୍ୟ କମ୍ପାନୀରେ ଏଣ୍ଟ୍ରି କରୁଛନ୍ତି। କମ୍ପାନୀକୁ ଫେରିବା ଖବର ଉପରେ ଅଲ୍ଟମ୍ୟାନ ଏବଂ ବ୍ରୋକମ୍ୟାନଙ୍କ ପ୍ରତିକ୍ରିୟା ମଧ୍ୟ ଦେଇଛନ୍ତି । ସାମ୍ ଅଲ୍ଟମ୍ୟାନ୍ ଏକ ପୋଷ୍ଟ ସେୟାର କରିଛନ୍ତି ଏବଂ ଲେଖିଛନ୍ତି ଯେ ମୁଁ OpenAI କୁ ଭଲ ପାଏ । ଅତୀତରେ ମୁଁ ଯାହା କରିଥିଲି ତାହା ଏହି ଟିମକୁ ଏକାଠି ଯୋଡି ରଖିବା ଏବଂ କମ୍ପାନୀର ଲକ୍ଷ୍ୟ ହାସଲ କରିବା ଦିଗରେ କରିଥିଲି । ଯେତେବେଳେ ମୁଁ ରବିବାର ସନ୍ଧ୍ୟାରେ ମାଇକ୍ରୋସଫ୍ଟ ଯିବାକୁ ସ୍ଥିର କଲି, ଏହା ମୋ ପାଇଁ ସଠିକ୍ ନିଷ୍ପତ୍ତି ହେବ ବୋଲି ସ୍ପଷ୍ଟ ହୋଇଥିଲା ।